Тамызда Алматыдан жаңа халықаралық рейс іске қосылады

Тамызда Алматы – УФА жаңа бағыты ашылады, - деп хабарлайды Kaz.tengritravel.kz тілшісі Азаматтық авиация комитетіне сілтеме жасап. 

Ресейлік Red Wings әуекомпаниясы биыл 4 тамыздан бастап Алматы – УФА бағыты бойынша аптасына 1 рейс жиілігімен бейсенбі күні, сондай-ақ ағымдағы жылдың 4 тамызынан бастап Нұр-Сұлтан - УФА бағыты бойынша аптасына 1 рейс жиілігімен бейсенбі күні тұрақты жолаушылар рейстерін орындауды бастауды жоспарлап отыр. Рейстер SU-95 типті әуе кемелерінде орындалатын болады.

Қазақстандықтар 27 елге тікелей ұша алады

"Қазақстан мен Ресей арасында жаңа рейстердің ашылуы екі ел арасындағы сауда-экономикалық, инвестициялық, туристік және мәдени ынтымақтастықты одан әрі дамытуға ықпал ететінін атап өткен жөн. Билеттер әуекомпанияның ресми сайтында қолжетімді", - делінген баспасөз хабарламасында.

Осыған дейін ресейлік "Азимут" әуекомпаниясы Нұр-Сұлтаннан Уфа қаласына жолаушылар тасымалымен айналысатыны айтылған еді. 

Instagram-дағы Kaz.tengritravel.kz-ке қосылыңыз!