+7 (777) 001 44 99
Қазақстандағы Қытай елшілігі мен бас консулдығы елге келушілер үшін HS денсаулық кодын алуға қойылатын талаптарды жаңартты, - деп хабарлайды Kaz.tengritravel.kz тілшісі.
Енді Қазақстаннан Қытайға тікелей рейспен бара жатқан жолаушыларға ұшуға дейін 48 сағат ішінде Қазақстан Республикасының аумағында ресми тіркелген зертханада бір ПТР-тест тапсыру жеткілікті. Уақыт биоматериал алынған сәттен басталады.
ПТР тестінің нәтижесі денсаулық кодын алуға өтінімге қалған құжаттармен (паспорттың басты беті және бағыты көрсетілген авиабилеттер) қоса тіркелуі қажет. Кейін Қазақстандағы Қытай елшілігі немесе бас консулдығы "денсаулықтың жасыл кодын" уақтылы береді, оны рейске тіркелу кезінде көрсету қажет. "Жасыл Денсаулық кодын" басып шығарудың қажеті жоқ, мобильді қосымша арқылы көрсету жеткілікті (алдын ала түсірілген скриншот қабылданбайды).
Қазақстаннан ұшатын және үшінші ел арқылы транзитпен жүретін жолаушылар немесе үшінші елден ұшатын және Қазақстан арқылы Қытайға транзитпен жүретін жолаушылар ПТР-тест тапсырып, транзит немесе жөнелту пункттерінің кез келгенінде жолаушылардың сапар маршрутына сәйкес "жасыл кодты" алуға өтінім бере алады. Жолаушылар "Денсаулық коды" әлі де жарамды екеніне көз жеткізуі керек, тек ұшаққа соңғы транзиттік пунктке қонған кезде (Қытайға ұшқанда). Қосымша ақпарат сайтта қолжетімді.
Таяуда қазақстандықтарға Бейжіңге тікелей рейстер қолжетімді болды. 22 қарашадан бастап Air Astana Алматыдан Қытай астанасы Бейжіңге аптасына бір рет, сейсенбіде Airbus A321 LR әуелайнерімен тұрақты әуе қатынасын іске қосылды.
