Ақтөбеден жаңа рейстер ашылады


Әлия Молдағұлова атындағы Халықаралық әуежай Ақтөбеден жаңа бағыттарды іске қосуды жоспарлап отыр, - деп хабарлайды Kaz.tengritravel.kz тілшісі әуе айлағының баспасөз қызметіне сілтеме жасап.

Оралға рейстерді Qazaq Air әуекомпаниясы орындайды, ал Ташкентке Uzbekistan Airways ұшатын болады.

"Ақтөбеден Орал қаласына 2022 жылдың 1 қарашасынан бастап сейсенбі және сенбі күндері ұшуға болады", - деп хабарлады "Әлия Молдағұлова халықаралық әуежайы" АҚ басқарма төрағасы Дастан Малиев.

Ташкентке рейстер 1 қарашадан бастап іске қосылады деп жоспарланған. Қазір мемлекеттік органдармен келіссөздер жүріп жатыр.

"2022 жылдың 1 қарашасынан бастап, яғни сейсенбіде біздің тұрғындар Өзбекстан астанасына баруға мүмкіндік алады. Қазір келіссөздер жүріп жатыр", - деді Дастан Малиев.

Ақтөбе әуежайы бүгінде 12 бағытта жолаушылар рейстеріне қызмет көрсетеді. Жыл соңына дейін бағыттар саны 14-ке дейін артады.

"2022 жылы Анталияға рейстер саны аптасына 6 ретке дейін, Мәскеуге - аптасына 4 рейске дейін ұлғайтылды. Шілдеде Бакуге тұрақты рейстер ашылды. 19 қазаннан бастап Пхукет аралына, Таиландқа, 24 қазаннан бастап Дубайға, БАӘ-ге рейстер ашылады", - деп толықтырды Малиев.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Қазақстанда әуекомпаниялардың зейнеткерлер үшін қандай жеңілдігі бар Қазақстанда әуекомпаниялардың зейнеткерлер үшін қандай жеңілдігі бар
Еуропаға саяхатты қалай жоспарлау қажет? Еуропаға саяхатты қалай жоспарлау қажет?
Гавайға ұшқан барлық жолаушыларға ерекше сыйлық берілді Гавайға ұшқан барлық жолаушыларға ерекше сыйлық берілді