Kids Go Free, кэшбэк және гранд-турлар. Жақын арада қазақстандық туристерді не күтеді
Туризм индустриясы комитетінің төрағасы Дастан Рыспеков Tengritravel.kz тілшісімен әңгіме барысында Қазақстанда туристер үшін кешбэк қалай енгізу жоспарланғаны, Kids Go Free бағдарламасы қанша әрекет ететіні және елімізде шетелдіктер үшін қандай гранд-турлар жасайтыны туралы айтып берді.
Осы жылдың басында Кids Go Free бағдарламасы күшіне енді, ережеге сәйкес турпакет құрамындағы балаларға арналған ішкі әуебилеттер тегін болады. 2022 жылдың ақпанында алғашқы жолдама сатылды. Туризм индустриясы комитетінің төрағасы Дастан Рыспековтың айтуынша, қазір Қазақстанда 1000-нан астам бала тегін демалды.
"Сондай-ақ, біз алдағы екі аптада жазғы маусымның соңында демалған 1000-ға жуық балаға өтініштер түседі деп күтеміз. Жалпы, Kids Go Free бағдарламасы 2025 жылға дейін жоспарланған", - деді ол
Туризм саласындағы тағы бір күтілетін оқиға - ішкі туристер үшін ақшаны қайтару. Жоспар әлі әзірленіп жатыр.
"Мұндай жүйе қазір Ресейде жұмыс істейді. Біз көршілеріміздің тәжірибесін мұқият зерттедік және кешбэктің енгізілуіне байланысты көптеген қонақүй бағаны көтере бастағанын көрдік. Сондықтан біз туристердің қызығушылығын ояту үшін туристік маусымнан тыс уақытта - саяхат үшін танымал емес айларда және танымал емес жерлерде ақша жинау жүйесін енгізуді жоспарлап отырмыз. Мысалы, Абай облысы, Ұлытау, мүмкін Қостанай облысы немесе БҚО. Техникалық жағынан, кэшбэк аналогы - Кids Go Free. Алайда, кэшбэк жүйесі бойынша біз енді туроператормен жұмыс істемейміз. Сондай-ақ, қайтару тек тұру құнына ғана қолданылатыны белгілі. Жүйе әлі де дамуда, сондықтан қазір оның қалай жұмыс істейтіні туралы айту қиын", - деп түсіндірді ол.
Рыспеков шетелдіктерге арналған гранд-турлар туралы айта отырып, бұл жерде бизнес көп жағдайда жұмыс істеуі керегін атап өтті. Бұған дейін Мәдениет және спорт министрлігі "гранд-тур" ұғымы бір маршрут аясында көптеген жерге бару арқылы үлкен саяхатты қамтитынын түсіндірген болатын. Бұл ретте барлық қажетті шығыстар: тұру, тамақтану, көлік, экскурсиялар және басқалар туристің сұрауы бойынша турға енгізілетін болады.
"Бізде үлкен турлар бар. Өзіміз Ұлытау, Ұлы Жібек жолы, Маңғыстау облысы және т.б. бойынша бес тур әзірледік. Алайда, туристік өнімдерді жеке кәсіпкерлер, бизнес құруы керек. Қазір бұл бағыттар дамуда", - дейді Рыспеков.
Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!
