Сурет www.instagram.com/cherylnumarkartadvisory парақшасынан Сурет www.instagram.com/cherylnumarkartadvisory парақшасынан

Ұшатын піл мен аспанға апарар баспалдақ. Физика заңдарына қайшы келетін мүсіндерді қайдан көруге болады


Өнер қайраткерлері физика заңдарын мойындамайды, өйткені оларда кез келген материалдық кедергілерді жеңетін дүние бар - қиял. Kaz.tengritravel.kz порталы Aviata.kz сервисімен бірге ауада қалықтайтындай таңғажайып мүсіндер туралы әңгімелейді.

Қалықтайтын пілдер

Француз мүсіншісі Даниэль Фирман өзін тұжырымдамашы суреткер деп атайды. Ол өз шығармаларында белгілі бір сәтте түсірілген бейнені көрсетуге тырысады. Автордың не айтқысы келгенін түсіну үшін, ол жасаған ауырлық күшін елемейтін пілдердің мүсіндеріне қарау жеткілікті.

Мүсінге қарасаң, жануар тұмсығымен қабырғаға жабысып, ауада қалықтап тұрғандай әсер қалдырады.

Піл толық көлемде жасалған: мүсіннің өлшемі - 2,2 және 5,3 метр. Арт-нысан шыны талшықтан және полимерден жасалған. Фигураға табиғи көрініс беру үшін автор таксидермия саласындағы мамандармен бірлесіп жұмыс істеген.

Мүсін алғаш рет 2012 жылдың 4 мамыры мен 2 қыркүйегі аралығында Kunsthalle Wien-де өткен "Цирк - параллель ғалам сияқты" деген көрмеге қойылды. Кейінірек арт-нысан даниялық Аrken мұражайына жеткізіліп, 2021 жылдың 10 қаңтарына дейін сол жерде болды. 5 ақпан мен 23 мамыр аралығында Nasutamanus "Біз жануармыз" көрмесі аясында Роттердамдағы нидерландық Kunsthal мұражайына қойылады.

Айта кетейік, суретші пілдер мүсінінің трилогиясын жасаған, яғни оған тағы екі фигура кірді. Олардың біреуі тұмсығымен төбеге жабысып, ілулі тұрған сияқты. Екіншісі тұмсығымен жер тіреп, денесі ауада қалықтап тұр. Соңғысын бейнелейтін мүсін "Пілдің ауырлық күшінің ерекшеліктері" деп аталады. Даниэль Фирманның есептеуінше, пілдер Жерден 18 мың шақырым қашықтықта осындай күйде бола алады.

Посмотреть эту публикацию в Instagram

Публикация от Daniel Firman (@daniel_firman_studio)

Джерзи Кедзиораның теңгеруші мүсіндері

Джери Кедзиора - керемет мүсіндердің тағы бір авторы. Ол цирк әртістерінің бейнесін жиі қолданады: акробаттар мен даршылардың. Мүсіндер арқанға әртүрлі позада және әртүрлі заттармен қатып қалғандай көрінеді.

Посмотреть эту публикацию в Instagram

Публикация от Jerzy Kędziora OFFICIAL (@kedziorajerzy)

Көлемі мен салмағына қарамастан мүсіндер қозғалыссыз қалады. Олар ешқашан құлап, төтенше жағдайлар туғызған емес. Олар көшелерді, саябақтарды, аулаларды безендіруге қолданылады, сондай-ақ қалалардағы жолдар мен кішігірім өзендердің үстіне орнатылады.

Посмотреть эту публикацию в Instagram

Публикация от Jerzy Kędziora OFFICIAL (@kedziorajerzy)

Ғимараттар, ағаштар мен бағаналардың арасына созылған арқандар - бұл көзге көрінетін жалғыз тіреу. Қосымша тіректер жоқ. Шебер өзінің жұмыс әдісін жасырады және осы уақытқа дейін фигуралардың ауада тепе-теңдік сақтау құпиясын ешкім ашқан жоқ.

Посмотреть эту публикацию в Instagram

Публикация от Jerzy Kędziora OFFICIAL (@kedziorajerzy)

Джерзи Кедзиораның мүсіндерін мұражайлардан, галереялардан және үкіметтік мекемелерден, соның ішінде Варшавадағы Президент сарайы мен АҚШ-тағы дипломатиялық өкілдіктерден, сондай-ақ, Польшаның Ольштын сарайындағы Тепе-теңдік мүсіндер аллеясы сияқты қоғамдық орындардан кездестіруге болады.

"Апелдорн қыздары"

"Апелдорн қыздары" мүсіндік композициясын голландиялық суретші әрі мүсінші Элизабет Штинстра жасаған. Инсталляция қоладан жасалған үш қыздың мүсінінен құралған, олар жерге параллель күйде ауада қалықтап тұрады. Қыздар ұйықтап жатқанда белгісіз күш оларды аспанға көтергендей болады. Қыздардың бірі екпетімен, екіншісі шалқасымен, ал үшіншісі қырымен жатыр. Салбырап, жерге тиіп тұрған әрі мұқият жасалған қыздардың шаштары мен көйлектерінің қыртыстары мүсіндерге шынайылық береді. Бұл жұмысты Апельдорн қаласының (Нидерланды) орталық саябағында көруге болады.

Посмотреть эту публикацию в Instagram

Публикация от Jimmy A Domingo (@jimmy.domingo)

"Ілулі"

АҚШ-тың Маунтинвилл қаласында қызықты құрылымды кездестіруге болады. Ол бір-бірімен байланысқан екі үлкен параллелепипедтен тұрады - олардың бірі көлбеу, ал екіншісі жерден көтерілген, тіпті өте ұзын адам да оның астында тік тұра алады.

Мүсіннің авторы - израильдік мүсінші Менаше Кадишман. 40 жылдан астам уақыт бойы әртүрлі елден келген туристер оның нысандарды осылайша қалай қойғанының құпиясын ашуға тырысып келеді. Тіпті мұқият тексерген кезде де тірек құрылымдарды байқау мүмкін емес, сол үшін де мүсіннің тепе-теңдігі таңғалдырады.

Посмотреть эту публикацию в Instagram

Публикация от YY (@onewayjs)

Porsche 911 мүсіні

Мүсінші әрі суретші Джерри Джуда 20 жылдан астам уақыт бойы ағылшындардың Гудвудында Жылдамдық фестиваліне арналған басты мүсінді жасап келеді. Осы уақыт ішінде ол көптеген әйгілі автокөлік брендтерімен жұмыс істеп үлгерді, бірақ әр кезде оның қондырғылары көрерменді тәнті етеді - олар аспанның шексіз кеңістігіне асығатындай көрінеді.

2013 жылы шебер 25 метрлік ескерткіш жасады, оның стелаларына Porsche - 911 Carrera, 911 SC Coupe және 911 2.2 Coupe автокөліктері қойылды. Композиция 911-дің жарты ғасырлық мерейтойына орай жасалған.

Посмотреть эту публикацию в Instagram

Публикация от Gerry Judah FRSS (@gerryjudah)

Мүсін фестивальға қойылғаннан кейін Штутгарттағы Porsche мұражайының жанына орнату үшін Германияға жеткізілді.

Посмотреть эту публикацию в Instagram

Публикация от Gerry Judah FRSS (@gerryjudah)

"Карма"

АҚШ-тың Нью-Орлеан қаласындағы "Sydney and Walda Besthoff Sculpture Garden" мүсіндер бағындағы көптеген экспонаттың ішіндегі ең көрнектілерінің бірі - корей мүсіншісі Ду Ху Саның "Карма" деп аталатын туындысы. Адам бойының биіктігінен ол аспанға ұшырылған зымыран сияқты көрінеді және оның биіктігі небары жеті метр екенін елестету қиын.

Посмотреть эту публикацию в Instagram

Публикация от [redacted] (@mn_grigalach)

Бұл мүсінді жеті метрлік болат омыртқа деп те атайды. Визуалды түрде олардың шынымен ұқсастықтары бар. Арт-нысанда бір-бірінің көзін жауып отырған, болаттан жасалған 98 ер адам бейнеленген. Композиция авторының айтуынша, бұл эволюцияның меңзеуі, оның барысында әрбір келесі ұрпақ рухани жағынан алдыңғы деңгейден жоғары болуы керек. Ұрпақтар алдыңғы ұрпақтың тәжірибесіне сүйенеді, бірақ ата-аналарының күнәлары мен қылмыстарына көз жұмады.

Посмотреть эту публикацию в Instagram

Публикация от WGNO ABC26 (@wgno)

"Ұшатын тастар"

Арқанмен байланған екі үлкен тасты Каир халықаралық әуежайынан көруге болады. Смабан Аббастың мүсіні әуе кемесіндегі жолаушыларды тыныштандыруға және тастар да ұшып кете алатынына сендіруге арналған.

Құрылыстың құпиясы қарапайым: "тастар" іс жүзінде қуыс, ал "арқанның" ішіне металл құрылым орнатылған.

Посмотреть эту публикацию в Instagram

Публикация от Sanatatak (@sanatatak)

"Төмендеу және көтерілу"

2013 жылы Сиднейде аспанға апаратын баспалдақ пайда болды. Оны Жаңа Зеландия суретшісі Дэвид МакКракен жыл сайынғы "Теңіздегі мүсін" атты сурет көрмесіне арнап жасады. Ол "Төмендеу және көтерілу" атауын алды.

Алюминий баспалдақ Бонди мен Тамарама жағажайларының арасына орнатылған. Егер сіз оған белгілі бір бұрыштан қарасаңыз, оптикалық иллюзияның әсері іске қосылып, арт-нысан шексіз болып көрінеді. Бұған құрылымның 45 градус бұрышпен жоғары көтерілуінің арқасында қол жеткізілді және әрбір келесі қадам алдыңғыға қарағанда тар болды.

Посмотреть эту публикацию в Instagram

Публикация от Sculpture by the Sea (@sculpturebythesea)

"Табиғат күші"

Шүберекпен жер шарын ұстап тұрған әйелдің мүсінін әртүрлі елдерде - Ұлыбританияда, АҚШ-та, Монакода және Сингапурда кездестіруге болады. Бұл жұмыстардың авторы - италиялық мүсінші Лоренцо Куинн. Бұл сериялардың пайда болуына Таиланд пен АҚШ-тың оңтүстік штаттарында болған табиғи апаттар шабыт берген. Суретші Табиғат Ананы бейнелеген. Оның мүсіндері құдайлардың құрметіне арналып, олардың ашуын басу үмітімен жасалған көне мүсіндерді еске түсіреді.

Посмотреть эту публикацию в Instagram

Публикация от Larraine PH (@hobbitontherun)

Мүсінші бұл туындыларды нөмірленген екі серияға бөледі - "Force of Nature I" және "Force of Nature II". Екіншісі әйелдің басынан аяғына дейін матамен жабылуымен ерекшеленеді. Сондай-ақ, мүсіндер материалдармен ерекшеленеді - олар алюминийден, қоладан және күмістен жасалған. Дегенмен, барлық композицияның белгілі бір өлшемі бар - 2,5 метр.

Посмотреть эту публикацию в Instagram

Публикация от SuffrageForward (@suffrageforward)

Робин Уайт және оның перизаттары

Робин Уайт жасаған перілердің мүсіндері өзінің жеңілдігімен және сүйкімділігімен таңғалдырады. Суретші осындай сипаттамаларға өзі жұмыс істейтін материал - тот баспайтын болат сымның арқасында қол жеткізеді.

Посмотреть эту публикацию в Instagram

Публикация от Dominique Prévreau (@tangocharly2020)

Мүсінші қиял-ғажайып кейіпкерлердің суреттерін болатқа қалай бейнелейтінін шын жүректен бөліседі. Алдымен ол эскиз дайындайды. Содан кейін ол мүсіннің негізін қалың сымнан, онтогенездің бір түрінен жасайды, содан кейін оны қажетті сурет алынғанға дейін жұқа материалмен орайды. Автор тордан қанатты жасайды. Ең маңызды жанасу: автор әр мүсіннің ішіне тастан жасалған жүректі ойып жазылған түпнұсқа жазумен орналастырады.

Посмотреть эту публикацию в Instagram

Публикация от Valérie Kempf ?? (@valeriekempf)

Перизаттар қанатты, ұзын шашты қыздар түрінде ұсынылған. Олардың киімі ағаштардың гүлдері мен жапырақтарына ұқсайды.

Посмотреть эту публикацию в Instagram

Публикация от Sarah Näf (@_sparkling_7)

Робин Уайттың мүсіндерінің бір бөлігі Ұлыбританияның Сток-он-Трент қаласындағы Трентхэм саябағында, ал басқалары жеке коллекцияларда.

Посмотреть эту публикацию в Instagram

Публикация от Sarah Näf (@_sparkling_7)

Aviata.kz саяхаттауда жауапкершілік маңызды екенін еске салады. Табиғатқа ұқыптылықпен қарайық, балаларымыз тәлім алар табиғат болсын, ал біз ертең қайта оралар жер болуы қажет. Табиғаттың "бізден кейін" қандай болатындығы біздің қолымызда.

Aviata қосымшасын мына сілтеме бойынша орнатуға болады.




Осыған ұқсас мақалалар

Өзбекстанда Түркі кеңесі ұйымындағы әуе рейстерінің жұмысын жалғастыру мәселесі талқыланды Өзбекстанда Түркі кеңесі ұйымындағы әуе рейстерінің жұмысын жалғастыру мәселесі талқыланды
Түркияда 1 шілдеден бастап комендант сағаты тоқтатылады Түркияда 1 шілдеден бастап комендант сағаты тоқтатылады
IATA өкілдері азаматтық авиацияны қай елдер тез қалпына келтіретінін айтты IATA өкілдері азаматтық авиацияны қай елдер тез қалпына келтіретінін айтты