Ұлыбританиялықтарға Жаңа жылда саяхаттауға рұқсат беріледі - БАҚ

24 қараша 2020 09:21

Ұлыбритания үкіметі ел тұрғындарының шетелдегі туыстарына бара алуы үшін қатаң шектеулерді алып тастауды жоспарлап отыр, - деп хабарлайды Kaz.tengritravel.kz порталы БАҚ-қа сілтеме жасап. 

The Telegraph мәліметінше, Ұлыбританияның көлік министрлігінің басшысы Грант Шеппс ПТР-тесті теріс болған жолаушылар ендігіде екі апталық карантинде емес небәрі бес күн болатынын айтты. Бұл өзгерістер Рождество мерекесі қарсаңында күшіне енеді. Осылайша ұлыбританиялықтар әлемнің "қызыл тізіміндегі" елдердегі туыстарына да бара алады. 

Ұлыбританияға келгендер екі аптаның орнына бес күндік карантинге жіберілетін жаңа ережелерді 15-16 желтоқсанда енгізу жоспарланған. Сонымен қатар, "тест және босату" схемасы коронавирусқа жедел тест тапсыруды және саяхатшы баруды жоспарлаған отбасы туралы ақпарат беруді білдіреді. Теріс нәтиже болған жағдайда, келушіге "көпіршік" деп аталатын жақын адамдар шеңберінде бес күндік карантин жүргізуге рұқсат етіледі.

Бұл шешімді Англия, Шотландия, Уэльс және Солтүстік Ирландия Министрлер Кабинеті мақұлдады. Билік өкілдері мерекелік демалыс күндерін жақын отбасылық шеңберде өткізудің маңыздылығын атап өтті. Рождествоны атап өту пабтарда да рұқсат етіледі, бірақ бұл үшін мекемені оқшаулау үшін уақытша "көпіршік" ретінде алдын ала анықтау қажет.

Daily Mail мәліметінше, осы жаңа өзгерістер авиация саласына да оң әсерін береді, өйткені пандемияға байланысты рейстер қысқартылып, әуекомпаниялар шығынға батып жатыр. 

"Біз адамдардың қайтадан қауіпсіз ұшуын қалаймыз. Премьер-министр пандемияның іскерлік сапарларға тигізген әсеріне ерекше алаңдайды. Карантин уақытын 14 күннен беске дейін қысқарту бұл мәселеде көмектесе алады", - деді Уайтхоллдағы дереккөз басылымға.

Еуропалық туризм комиссиясының соңғы сауалнамасына сәйкес, еуропалықтардың көпшілігі (54 пайызы) коронавирусқа байланысты шектеулерге қарамастан жақын арада сапарға шығады деп мәлімдейді.

ҚР Индустрия және инфрақұрылымдық даму министрлігінің мәліметінше, қазіргі уақытта Қазақстаннан Ұлыбританияға тікелей рейстер жоқ. ИИДМ баспасөз қызметінің өкілдері бұл жолаушылар сұранысының төмендігіне байланысты екенін мәлімдеді.