Фото ©REUTERS Фото ©REUTERS

Ұлыбританиялықтар жаппай Лондоннан кетіп жатыр


Карантин күшеюіне байланысты Лондон тұрғындары қаладан жаппай кетіп жатыр, - деп хабарлайды Daily Mail.

Ұлыбритания премьер-министрі Борис Джонсонның коронавирус пандемиясына байланысты карантин талабын күшейту туралы мәлімдемесінен кейін қала тұрғындары чемодандарын жинап, Лондон мен оған жақын аудандарға кете бастаған.

Вокзалдар мен әуежайларда көптеген адам жиналған. Ал көшелерде көлік кептелісі пайда болған. Себебі, 20 желтоқсан түнде қалада карантин талабы күшейеді. Осыған байланысты тұрғындар қаладан кетуге асығып жатыр.

Билік тұрғындарға үйінен шықпауға кеңес берген. Соныман қатар, оларға Рождествода достарымен және көршілерімен кездесуге тыйым салынады.

"Қабырға құлап, кейбір адамдар одан қашып жатқан сияқты. Бұл жағдай осыған ұқсайды. Рождествоны дұрыс атап өту үшін тұрғындар қаладан кетуге асығып жатыр. Мен Лондоннан Ливерпульге жету үшін көлік жалдайтын адамдар туралы естідім. Себебі, көптеген пойызда орын жоқ немесе ол алдын ала брондалып қойған", - дейді автомобиль қауымдастығының президенті Эдмунд Кинг.


Daily Mail

Сарапшылардың пікірінше, вагондарда адамның көп болуына байланысты онда арақашықтықты сақтау мүмкін емес. Лондоннан баратын кейбір маршруттар алынып тасталған.

Ұлыбритания астанасының орталық көшелерінде көптеген адамды көруге болады. Өйткені, тұрғындар дүкендер жабылғанға дейін Рождество сыйлығын алу үшін жанталасып жатыр.

Айта кетейік, осыған дейін Ұлыбритания ғалымдары елде коронавирус мутацияға ұшырап, ауру жылдам таралып жатқанын растаған еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

Ғалымдар коронавирустың "ұлыбританиялық" штамының алғашқы фотосын түсірді Ғалымдар коронавирустың "ұлыбританиялық" штамының алғашқы фотосын түсірді
Еуропалық тағы бір елі туристер үшін ашылады Еуропалық тағы бір елі туристер үшін ашылады
"Біз жазды асыға күтеміз". WTTC туризмнің қалпына келуі жайында оптимистік болжам жасады "Біз жазды асыға күтеміз". WTTC туризмнің қалпына келуі жайында оптимистік болжам жасады