Сан-Мариноға визасыз бару: Еуропадағы ең көне мемлекет жайлы не білесіз?

28 қыркүйек 2023 10:00

Сан-Марино – Италияның таулы аумағында орналасқан кішкентай мемлекет. Ортағасырлық көшелері, таңғажайып көріністері мен дәмді тағамдары кімнің болса да көңілінен шығары анық. Aviata.kz сервисі мен Tengritravel.kz порталы Еуропадағы ең көне елге визасыз кіру қазақстандық туристер үшін қаншалықты жағымды жаңалық екенін егжей-тегжейлі түсіндіреді.

Тамыз айының басында Қазақстан бұл елмен өзара визасыз режим енгізуге дайындалып жатқаны белгілі еді. Үкіметтің кеңестік қаулы жобасы қазір бәріне қолжетімді, ашық.

Сонымен, біз шын мәнінде ерекше туристік бағыт туралы айтып отырмыз: «алтын кішкентай ғана, бірақ қымбат» деген мақалды ауданы небәрі 61 шаршы шақырымды құрайтын әлемдегі ең көне тәуелсіз мемлекет Сан-Мариноға айтуға болады, бірақ мұнда сіз бәрін таба аласыз: ормандар, ежелгі бекіністер мен ортағасырлық базарлардан қазіргі заманғы сауда орталықтары мен олимпиадалық стадиондарға дейін.

Халқы

Елде шамамен 30 мың адам тұрады, олардың көпшілігі итальяндықтар. Сан-Мариноның ресми азаматы атану өте қиын. Егер сіздің ата-анаңыз санмаринолық болмаса және сіз мұнда 30 жылдан астам тұрмаған болсаңыз, Санмарино азаматтығы бар адаммен 15 жыл заңды некеде тұрмаған болсаңыз, онда билік сізге жаңа азаматтық мәртебе бермейді. Оны алудың мұндай қатаң ережелері халық санын асырмау үшін бекітілген.

Осылайша, ел тұрғындарының 80 пайыздан астамы санмаринолықтар, 19 пайызы итальяндықтар, қалған пайызын басқа ұлт өкілдері құрайды.

Қызық дерек

Бұл шағын мемлекеттің азаматтары өз тәуелсіздігін жоғары бағалайды, сондықтан олар итальяндықтар деп атаса, қатты ренжиді. Жергілікті тұрғындарды тек санмаринолықтар деп атаңыз.

Егер турист сол елдің тұрғынымен суретке түскісі келсе, алдымен рұқсат сұрауы керек. Рұқсатсыз адамға камераны бағыттамаңыз.

Елдің Италиямен шектесетініне қарамастан, мұндағы қарым-қатынас мәдениеті сәл басқаша. Жергілікті тұрғындар құшақтасып, сүйіспей, қол алысып амандасады, сондықтан саяхатшылар өздеріне ұстамды болғаны жөн.

Теңізге шығуға мүмкіндік жоқ, сондықтан жағажай демалысы жоқтың қасы.

Сан-Маринода көп жаяу жүруге тура келеді, сондықтан туристер барар алдында өздерінің дайындық деңгейін бағалауы керек.

Қандай жерлерді көруге болады?

Гуаита мен Честа

Титано тауының шыңында орналасқан екі бекініс мұнарасы, Гуаита мен Честа Сан-Мариноның ең танымал көрікті жері. Әлемге әйгілі Гуаита мен Честа елдің ресми елтаңбасында бейнеленген үш мұнараның екеуі.

Ең алғаш пайда болған Гуаита 13 ғасырға жатады. Сізге бұл бекіністерді сырттан ғана тамашаламай, ішке кіруге де болады. Сондай-ақ, Честа мұнарасында көне қару-жарақ мұражайы бар. Мұнаралардың төбесінен бір жағынан Далматия жағалауына, екінші жағынан жақын маңдағы Апеннинге дейін созылған таңғажайып көрініске куә боласыз. Титано тауының басында, Гуаита мен Честаның маңында сіз тағам, сусын және кәдесый дүкендерін таба аласыз.

Азаптау мұражайы мен фестивальдер

Сан-Маринодағы гидтер елге келген қонақтарды қаланың тарихи бөлігінде орналасқан азаптау мұражайына баруға жиі шақырады. Мұражай ерекше, әрі азаптау тарихымен танысуға мүмкіндік береді. Оның жинағында 100-ден астам құралдар мен құрылғылардың түрлері бар. Олар адамдарға зиян келтіру үшін ойлап табылған.

Сан-Мариноның бұл көрнекті орны қызықты, өйткені ол уақыт сынынан өткен азаптау құралдарымен және дінсіздікке қарсы күрескен Рим-католик шіркеуінің институттарымен танысуға мүмкіндік береді. 20 ғасырда ойлап табылғандар да өз алдына ерекше. Азаптауды қалпына келтіру шеберханасы назар аударуға лайық, Темір бикеш, инквизитор орындығы, еретиктің қайласы және т.б. классикалық аспаптар болып саналады. Әрине, жүйкесі әлсіз адамдарға арналмаған.

Сан-Мариноның мәдени бағдарламасы орта ғасырлардағы ережелер бойынша арбалеттен ату жарыстары кіретін әртүрлі тарихи фестивальдерді қамтиды.

Егер сіз ашық ауада уақыт өткізуді ұнатсаңыз, тар көшелер мен аллеяларда серуендеуге болады. Онда кәдесый дүкендерін, жайлы дәмханалар мен барда демала аласыз.

Асханасы

Сан-Маринода туристерге ежелгі рецепт бойынша дайындалған итальяндық тағамдар ұсынылады. Мұнда сіз міндетті түрде лазанья, каннелони, тальятелле және басқа да тағам түрлерін татып көргеніңіз дұрыс. Ұн өнімдерінің ішінде дәстүрлі нан – лаваш нанына ұқсас пьяда және тәтті бәліш «Сан-Марино» өте танымал.

Елде ірімшіктердің көптеген сорты бар, олар жергілікті "Альбана", "Санджовезе" и "Бьянкале" шараптарымен тамаша үйлеседі. Алкоголь өнімдері трюфель дәмі бар ликер және «Мистра» сусынымен танымал.

Қолайлы ауа-райы зәйтүн өсіруге тамаша жағдай жасайды, одан жоғары сапалы май өндіріліп, сатылады.

Тіскебасар ретінде сіз жергілікті омарташылардан качьятелло (карамельді крем) мен каштан балын жеуге болады.

Aviata.kz - үйіңізден немесе кеңсеңізден шықпай-ақ, әлемнің қалаған нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.

Әуе және теміржол билеттерін сатып алуға болатын "Авиата" қосымшасын мына сілтеме бойынша жүктеуге болады.