Қазақстандықтар үшін ең жақсы ойын-сауық саябақтары: Ұлыбритания және Оңтүстік Корея

Kaz.tengritravel.kz порталы мен Aviata.kz сервисі балаларды да, ересектерді де қызықтырар ерекше саябақтар туралы баяндауды жалғастырады. Өткен жолы БАӘ, Түркия және Үндістанның ең жақсы саябақтарымен таныстық. Ендігі кезекте Ұлыбритания мен Оңтүстік Кореяның саябақтары болады.

Бұл тізімді жасауда біз әлемдік рейтингтер мен әртүрлі топтық таңдауларды басшылыққа алдық, сонымен қатар, қазақстандықтар үшін тікелей рейстері бар елдерде орналасқан ойын-сауық саябақтарын таңдауды жөн санадық.

Ұлыбритания

Thorpe Park

Thorpe Park Ұлыбританиядағы ең жақсы ойын-сауық саябағы болып саналады. 2007 жылы Thorpe Park-ті Merlin Entertainments компаниясы сатып алған кезде SAW The Ride және SWARM хит аттракциондарын қосу үшін концепциясы біршама өзгерді. 2020 жылдың соңында саябаққа 600 мың адам, 2019 жылы екі миллионға жуық адам келген.

Айта кетсек, бұл саябақтың "ең" және "бірінші" деуге тұрарлық көптеген атағы бар. Онда Еуропадағы ең биік жағалау, ең биік су аттракционы, Ұлыбританиядағы ең биік сырғанақ, ең тік түсуі бар жағалау және әлемдегі алғашқы қорқынышты фильмдер жағалауы бар.

Фото @instagram.com/thorpeparkofficial/

SAW the Ride - бұл ең қорқынышты арал, оның бір шетінде алып араның астымен сырғанайтын болсаңыз, екінші жағында әйгілі "Пила" фильміндегі ең қорқынышты көріністерді сахналаған қорқынышты лабиринттен өтуге тура келеді. SWARM аттракционы келушілерге алапат апаттардан өтіп, ақырзаман қорқынышын бастан өткеру ұсынылады.

Соңғы жылдардағы тағы бір танымал орын - Angry Birds аттракционы. Ойын жанкүйерлері экранның ар жағынан табылады, желдің екпіні, түтін, жарық арқылы оқиғаның дәл ортасында жүргендей сезімде болары анық.

Фото @instagram.com/thorpeparkofficial/

Қалай баруға болады?

Thorpe Park корольдіктің оңтүстік бөлігінде, Лондоннан 32 шақырым жерде, Сюррей округінде орналасқан. Астанадан Thorpe Park-қа пойызбен жетуге болады. Пойыздар Waterloo станциясынан әр 10 минут сайын жүреді. Саяхат жарты сағаттан 50 минутқа дейін созылады. Staines станциясынан түсіп, әр 15-20 минут сайын жүретін Thorpe Park экспресс автобусына ауысыңыз.

Саябаққа кіру ережелері

Саябақта қосымша гигиеналық және қауіпсіздік шараларын қабылдау жалғасады, мекемелер қатты желдетіледі, қосымша дезинфекциялау, айналаға дезинфекция құралдары қойылады. Келушілер әлеуметтік қашықтықты сақтауды сұрайды. Көптеген сауда нүктелері байланыссыз карта төлемдерін талап етеді және қолма-қол ақшаны қабылдамайды.

Blackpool Pleasure Beach

Blackpool Pleasure Beach - сөзбе-сөз аударғанда "ойын-сауық жағажайы" дегенді білдіреді. Бұл ойын-сауық саябағы Блэкпулдағы Ланкашир графтығында, Ирландия теңізінің жағалауында орналасқан және әлемдегі ең көп баратын жиырма орынның бірі болып табылады. Пандемияға дейін саябаққа жыл сайын бес миллионнан астам адам келген.

Саябақ Еуропадағы аударылып сыранайтын Revolution болат сырғанақтары ұсынылған алғашқы орын болды және әлі күнге дейін кедергілер жолағы бар американдық сырғанағы бар әлемдегі соңғы саябақ болып табылады.

Фото @instagram.com/pleasure_beach/

Blackpool Pleasure Beach-тың негізі 1905 жылы қаланған. Саябақ ретро стилінде, бұл оған ерекше көрік береді. Өткен ғасырдың басындағы сырғанақтар заманауи аттракциондармен қатар жұмыс істейді. Мысалы, әлемдегі ең биік, ең ұзын және ең жылдам сырғанақтың бірі - Pepsi Max Big One, кейбір учаскелерде кабинаның жылдамдығы сағатына 119 шақырымға жетеді.

Барлығы саябақта 10 түрлі сырғанақ бар, олар бір-бірінен жолдарының әртүрлі дәрежедегі күрделілігімен ерекшеленеді. Соның ішінде бес сырғанақ ағаштан жасалған.

Фото @instagram.com/pleasure_beach/

Көптеген басқа саябақтар сияқты, Blackpool Pleasure Beach шартты түрде әртүрлі аймақтарға бөлінген. Мысалы, Family Fun бүкіл отбасына ұнайды, ал Nickelodeon Land балаларға арналған. Экстримды сүйетін әуесқойлар Thrill Seekers-тен ойын-сауық таба алады.

Барлығы 40-тан астам аттракцион, гольф клубы және заманауи қонақүй бар. Саябақтың тағы бір көрікті жері - мұз айдыны, онда шоулар үнемі өткізіліп тұрады.

Қалай баруға болады

Саябақ Ocean Boulevard-да, South Pier-ге қарама-қарсы орналасқан. Мұнда сіз Blackpool Tramway-да, Blackpool North бағытындағы пойызбен немесе 1, 15, 16, 21 автобус бағыттарымен жете аласыз.

Саябаққа кіру ережелері

Саябақта бір уақытта келушілердің санына шектеу болуы мүмкін, сондықтан қонақтардан билетті онлайн сатып алу сұралады, ол келу күні мен уақытын реттеуге арналған.

Blackpool Pleasure Beach қонақтардың қауіпсіздігі үшін бірқатар шараларды қолданады және келу кезінде, әсіресе аттракциондарда, кезекте тұрғанда және үй ішінде бетперде киюді талап етеді.

Мұнда әлеуметтік арақашықтық шаралары алынып тасталды, бірақ төлем тек контактісіз немесе карталық төлемдер арқылы қабылданады.

Сондай-ақ Ұлыбританияда басқа да танымал ойын-сауық саябақтары бар, соның ішінде Babbacombe Model Village, Alton Towers тақырыптық саябағы және қонақүйі, Peppa Pig's House тақырыптық саябағы, "Альтон-Тауэрс" аквапаркі.

Кіру шарттары

Қазақстандықтарға Ұлыбританияға бару үшін виза қажет. Корольдік COVID-19 пандемиясына байланысты енгізілген барлық кіру ережелерін алып тастады. Ұлыбританияға келетін жолаушылар вакцина мәртебесіне қарамастан, ұшардан бұрын ПТР-сынамадан өтуге, келгеннен кейін немесе жолаушының орналасқан жерін анықтау формасын толтыруға міндетті емес.

Ұлыбританияға рейстер

Ұлыбританияға рейстер Алматы мен Нұр-Сұлтаннан Ақтау арқылы жүзеге асырылады. Оларды Air Astana әуекомпаниясы басқарады.

Оңтүстік Корея

Everland

Everland - Оңтүстік Кореядағы ең үлкен ойын-сауық кешені. 2002 жылы бұл тақырыптық саябақ әлемдегі ең көп келетін алтыншы ойын-сауық саябағы болды. Пандемияға дейін (2018 жылдың аяғында) саябаққа 5,85 миллион адам келген.

Фото @instagram.com/witheverland/

Саябақ бес негізгі аймақты қамтиды. Global Fair қонақтар саябаққа кірген соң баратын бірінші аймаққа айналды. Кәдесыйлар мен ашық хаттар бар дүкендер, дәмханалар мен мейрамханалар әлемдегі ең танымал аттракциондардың көшірмелері болып табылатын ғимараттарда орналасқан. Бірақ мұндағы басты тартымдылық - ән салатын сиқырлы ағаш. Оның астында тілеген тілек міндетті түрде орындалады деп есептеледі.

Zoo-Topia-да панда, піл, аю, теңіз арыстаны, жолбарыс, пингвин, ақ аю мекендейді. Мұндай алуан түрлілігіне қарамастан, бұл хайуанаттар бағының негізгі ерекшелігі бұл емес. Көптеген туристер суда жүретін автобуспен ұзындығы 580 метр "джунгли" арқылы өзенмен төмен түсу мүмкіндігін жіберіп алмайды. Safari World аттракционы жолбарыс, арыстан, піл, керіктер мен түйеқұстарды мүмкіндігінше жақын көруге мүмкіндік береді.

Фото @instagram.com/witheverland/

European Adventure - Франция, Германия, Нидерландыға тән сәулеті бар еуропалық қалалардың стилизациясы. Үйлерде дәмханалар мен мейрамханалар бар. Сондай-ақ, бұл аймақта T Express аттракционы бар. Бұл - Оңтүстік Кореядағы ең үлкен америкалық сырғанақ. Олардың ұзындығы 1700 метрді құрайды. Сіз сондай-ақ Horror Maze қорқынышты лабиринтіне барып, көне Shooting Ghost сарайында елес аулап және бәрі кенет төңкеріліп қалатын Rotating House-қа бара аласыз.

American Adventure жабайы Батыстың ескі қалашығын кө алдыңызға әкеледі. Аттракциондар арасында биіктіктегі иіру аттракциондары, америкалық сырғанақтар және Кристофер Колумбтың үлкен әткеншек-кемесі бар.

Magic Land-те балалар аттракциондарының ең көп орналасқан, сондай-ақ, шолу дөңгелегі де бар. Эзоп ертегілерінің кейіпкерлері саябақта серуендеп жүр. Сонымен қатар, кішкентай қонақтар сиқыршы бейнесіне ену мүмкіндігіне ие болады.

Фото @instagram.com/witheverland/

Caribbean Bay аквапаркінде бассейндерде жүзуге және сырғанақтан сырғанауға болады. Сонымен қатар, қонақтардың корей моншасына бару мүмкіндігі бар.

Тақырыптық аймақтардан басқа, Everland-та қызғалдақ фестивалі, раушан фестивалі, Хэллоуин және Иллюминация фестивалі сияқты түрлі-түсті және таң қалдырар іс-шарала тұрақты өткізіледі.

Фото @instagram.com/witheverland/

Қалай баруға болады

Саябақ Сеулдің шетінде орналасқан. Жол 40 минуттан бір жарым сағатқа дейін созылады. Ол жерге Everland Resort бағыттық көліктерімен, 5002, 5700, 1500-2, 1113 бағыттағы автобустармен немесе Bundang желісіндегі Giheung станциясына метромен, содан кейін тегін автобуспен жетуге болады.

Саябаққа кіру ережелері

Ересек адам үшін билет құны 50 000 (17 947 теңге), 3 пен 12 жас аралығындағы балалар үшін 40 000 вон (14 358 теңге) тұрады. Құны маусым мен апта күніне байланысты. 3 жасқа дейінгі балалар тегін кіреді.

Саябақ бірқатар шектеу шараларын қабылдаған. Мұнда айтылғандай, халықты азайту үшін келушілер саны шектеулі. Билеттерді онлайн сатып алу керек. 18 жастан асқан келушілер вакцинаның толық курсын алғанын немесе вакцинаның алғашқы дозасын кемінде 15 күн бұрын алғанын, соңғы алты ай ішінде COVID-19-дан айыққанының дәлелін ұсынуы қажет. Сондай-ақ, теріс ПТР-сынағының немесе 48 сағат бұрын орындалған антиген сынағының нәтижесін көрсетуге болады.

Саябақта коронавирустың таралуын азайтуға бағытталған шаралар туралы мына жерден оқи аласыз.

Lotte World

Lotte World көптен бері Гиннестің рекордтар кітабына "ең үлкен жабық ойын-сауық саябағы" ретінде енгізілген, бірақ қазірдің өзінде таблетка тәрізді үлкен павильон ғарыштан да көрінеді. Жыл сайын саябаққа жеті миллион адам келеді.

Фото @instagram.com/happylotteworld/

Саябақ екі бөлікке бөлінген - ішкі және сыртқы. Ішкі бөлік шытырман оқиғаға арналған және секторларға бөлінген, олардың әрқайсысы әлемдегі бір елді білдіреді. Мұнда сіз аттракциондарға мінуге болады (жалпы, олар мектеп оқушыларына арналған), кәдесыйлар мен тәттілер сатып алуға, көптеген мейрамханалардың бірінде әлемнің әртүрлі халықтарының тағамдарынан дәм татуға болады. Мұнда ауқымды түрлі-түсті шоулар мен фильмдер көрсетілімдері де жиі өткізіліп тұрады.

Фото @instagram.com/happylotteworld/

Сокчхонхо көлінің жанындағы сыртқы аймақ "Сиқырлы арал" деп аталады. Онда әдемі қамал мен керемет аттракциондар бар, оның ішінде 70 метр биіктіктен төмен құлдилауға болатын "Чаиро-Дроп" және "Чаиро-Свинг" ойыны бар, мұнда торнадо шұңқырына енгендей әсер алады. Сондай-ақ, туристер Юра шатқалындағы толқынды өзенде қайықпен серуендеуге, одан кейін 75 градус бұрышта тербелетін испандық қарақшылар галеонына отыруға мүмкіндік алады.

Тарих сүйер қауымды этнографиялық мұражай қызықтырмай қоймайды. Оның экспозициясы Кореяның бес мың жылдық тарихы мен мәдениетіне арналған. Миниатюрада бейнеленген дәстүрлі корей ауылы ерекше назар аударады. Мұнда балаларға қызық болары анық. Олар үшін арнайы ойын алаңы бар.

Фото @instagram.com/happylotteworld/

Сонымен қатар, жылдың кез келген уақытында мұнда коньки тебуге болады, конькиді жалға алуға болады. Мұз айдыны ғимараттың ішінде, үшінші жер асты қабатында орналасқан.

Саябаққа кіру ережелері

Ересектерге билет - 56 000 вон (17 947 теңге). 13 жастан 18 жасқа дейін - 50 000 вон. 3 жастан 12 жасқа дейін - 46 000 вон (16 152 теңге). Саябақта кейбір шектеулер бар. Саябақ ережелері туралы толығырақ мына жерден оқи аласыз.

Кореядағы екінші танымал ойын-сауық саябағы - Gangchon Rail Park. Korean Folk Village, Eco Land Theme Park, Skyline Luge Tongyeong, Jeju Glass Castle және Ocean 700 аквапаркі де өте танымал.

Кіру шарттары

Қазақстан азаматтарына Кореяға кіру үшін виза талап етілмейді. 2022 жылдың 1 сәуірінен бастап Кореяға келгеннен кейін коронавирусқа қарсы вакцинаның толық курсын алған шетелдік азаматтар міндетті өзін-өзі оқшаулаудан босатылады. Кореяға кірер алдында шетелдік туристер вакцина туралы ақпаратты Q-CODE жүйесіне алдын ала енгізуі қажет. Пайдаланушылар жүйе арқылы бақылаудан өтерде сканерлеуге болатын QR кодын алады. Шекараны кесіп өту үшін туристер сонымен бірге ұшардан 48 сағат бұрын алынған COVID-19 ПТР сынағының теріс нәтижесін ұсынуы керек.

Оңтүстік Кореяға рейстер

Алматы - Сеул рейсі аптасына үш рет ұшады (Air Astana - екі рет, Asiana Airlines - бір рет).

Қазақстандықтар үшін ең жақсы ойын-сауық саябақтары аталды: БАӘ, Түркия, Үндістан

Aviata.kz - үйіңізден немесе кеңсеңізден шықпай-ақ, әлемнің қалаған нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.

Әуе және теміржол билеттерін сатып алуға болатын "Авиата" қосымшасын мына сілтеме бойынша жүктеуге болады.