Стюардесса ұшаққа не себепті шолақ шалбар киюге болмайтынын айтты

Стюардесса ұшақ жолаушыларына қысқа шалбар кимеуге кеңес берді, - деп хабарлайды Tengritravel.kz тілшісі Scoop Upworthy сайтына сілтеме жасап.

Шер есімді стюардессаның айтуынша, ұшақта қысқа шалбардан бас тартудың көптеген себебі бар. Ең алдымен ол мұндай киім киген жолаушы ұшақта тоңуы мүмкін екенін айтты.

"Екіншіден, кенеттен эвакуациялайтын болса, жолаушыға апаттық үрлемелі траптан жылдам сырғанап түсу керек. Дәл осы сәтте бөксеңізді күйдіріп алуыңыз мүмкін", - деп ескертті стюардесса.

Бұған дейін Томми Чимато есімді стюардесса саяхатшыларға ұшақта ешқашан қысқа шалбар кимеу керек деген болатын. Сөзінше, ұшақта микробтар көп.

"Ұшақтағы ластанған жерлер жолаушылар үшін қауіпті болуы мүмкін", - дейді Чимато.

Сол себепті денеңіздің ашық жерлері орындыққа жанаспау үшін мүмкіндігінше шолақ шалбар кимеуге кеңес берді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!