+7 (777) 001 44 99
Біз ғимаратқа кіріп, тіркеу үстеліне қарай барамыз, содан кейін бақылау қақпасы арқылы күту бөлмесіне және соңында гейт арқылы ұшаққа отыруға шығамыз - міне, тәжірибелі саяхатшылар үшін әуежайдағы бағыт автоматты түрде осындай болмақ. Олар әуежайда бірінші рет болса да, адасып қалулары екіталай. Барлық жерде бірдей жүйе, қосу белгілері сізді әрқашан дұрыс дәлізге бағыттайды. Дегенмен, жолда сіз көптеген қызықты орындар, яғни "құпия" бөлмелерді жіберіп алуыңыз мүмкін. Kaz.tengritravel.kz порталы Aviata.kz сервисімен бірге осындай "құпия" бөлмелер жайлы баяндайды.
Әлемдегі кейбір әуежайлар тек ұшақтарға арналған әуе айлақтары ғана емес, сонымен қатар жайлы өмір сүруге болатын жеке инфрақұрылымы бар тұтас қалалар болып табылады. Бұл әуежайларда йога, медитация, жатын орын қапшығы, мұражайлар, кітапханалар, тіркеу кеңселері және тіпті иттерге арналған саябақ та бар. Бұлар жайлы ретімен баяндасақ.
Схипхол әуежайындағы АХАЖ, Амстердам, Нидерланды
Амстердам Схипхол әуежайы әлемдегі ең көп жұмыс істейтін әуежайлардың бірі болып саналады және 600 000 шаршы метр аумағы бойынша әлемдегі ең үлкен ғимараттар тізімінде 16-шы орынды иеленді. Сонымен қатар, ғимараттың сыртындағы әрі ішіндегі логистика қарапайым және түсінікті.
Схипхол, Нидерланды. Фото ©Shutterstock
Көптеген дәмханалар мен дүкендерден басқа, душ, спа және массаж бөлмелері, кітапхана, сондай-ақ, Нидерланды Ұлттық мұражайының филиалы жолаушылар үшін қолжетімді. Сондай-ақ, бақылау алаңында некені тіркеуге және тіпті үйлену тойын өткізуге болатын АХАЖ бөлімі де бар.
Видео Youtube/Amsterdam Airport Schiphol
Ал рейстер кешіктірілген жағдайда жолаушылар оңашада медитация бөлмесінде демалады. Бір қызығы, бұл жерде йогамен айналысуға және қатты сөйлеуге болмайды. Бірақ бұл жер әртүрлі дін өкілдері үшін өте қолайлы.
Схипхол теңіз деңгейінен үш метр төмен биіктікте орналасқан Еуропадағы ең төменгі әуежай болып саналғанына қарамастан, әртүрлі рейтингтер бойынша бірнеше рет әлемнің ең үздік әуежайы деп танылған.
Хартсфилд-Джексон иттер саябағы, Атланта, АҚШ
АҚШ-тың көптеген әуежайларының ішінде "жануарларды күту аймақтары" деп аталатын - еденінде ауыз су бұрқағы бар шағын бөлмелер бар, онда жолаушылардың үй жануарлары демалуға, тіпті суға түсуіне де болады. Бірақ Атлантадағы Хартсфилд-Джексон әуежайы иттерге ең қолайлы болып келеді.
Посмотреть эту публикацию в Instagram
Мұнда "жануарларды күту аймақтарынан" бөлек, ашық аспан астында иттерге арналған тұтас саябақ жасалған. Ол жаққа кіру үшін үй жануарының денсаулығы туралы анықтама көрсету қажет. Саябақтың көлемі үлкен, мұнда иттер қарғыбаусыз ұзақ жүгіре алады. Мұнда көк шөп, су бұрқағы, биологиялық ыдырайтын қоқыс қаптары және ит иелеріне арналған орындық бар.
Посмотреть эту публикацию в Instagram
Иттерге арналған саябақ Хартсфилд-Джексон әуежайының оңтүстік терминалының жанында орналасқан. Ол темірмен қоршалған, ал ортасында ұшақ бөлшектерінен жасалған иттің мүсіні орналасқан. Саябақ аптасына жеті күн, тәулігіне 24 сағат ашық.
Посмотреть эту публикацию в Instagram
Абу-Даби әуежайының гольф клубы, БАӘ
Біріккен Араб Әмірліктері астаналық әуежайының аумағында әлемдегі жүз үздік гольф клубы бар. Гольф клубы қорғалатын аумақта орналасқан, ал алаңның құмды учаскелері жасанды жасыл жамылғымен ауысып тұрады.
Посмотреть эту публикацию в Instagram
Гольф алаңының қызметтері транзиттік рейстермен Абу-Даби портына келетін жолаушыларға арналғаны атап өтілді. Яғни, рейске дейін бос уақыты барлар үшін - кемінде алты сағат. Бұл ретте гольф клубының аумағына кіре берісте дресс-код - поло жейде, шалбар немесе қысқа шорты болу керек. Егер жолаушының лайықты киімі болмаса, Al Ghazal клубынан сатып алуға болады.
Посмотреть эту публикацию в Instagram
Клуб ғимараты - бұл төбешікте орналасқан және келушілерге гольф клубының қорғалатын аймағын тамашалауға мүмкіндік беретін сәнді үй. Мұнда мейрамхана мен 200 орындық терраса бар. Сондықтан сіз гольф ойнап қана қоймай, басқалардың ойынын тамашалай отырып, түскі ас іше аласыз.
Посмотреть эту публикацию в Instagram
Гольф алаңынан басқа, екі теннис корты мен бассейн бар, олар тәулік бойы жұмыс істейді, футбол және регби корттары, сонымен қатар, жаттығу залы, сауықтыру орталығы бар. Кешен әуежайдың өзінен 500 метр қашықтықта орналасқан және шамамен 6000 шаршы метр аумақты алып жатыр.
Шеннондағы сенсорлық бөлме, Ирландия
Ирландияның Шеннон әуежайында сенсорлық бөлме салынды. Ол арнайы жолаушыларға, яғни арнайы көмек бағдарламасына қатысушыларға арналған, олар - аутизммен ауыратын жолаушылар, мүмкіндігі шектеулі және қарт адамдар. Яғни, ұшу қиынға соғатын адамдар. Сенсорлық бөлме - психологиялық түрде жеңілденетін бөлме. Мұнда туристерді жеңілдетіп, сергітетін сенсорлық қондырғылар орнатылған.
Видео Youtube/I Love Limerick
Сенсорлық бөлмені пайдаланатын жолаушылар арнайы қалпақ пен білезік киеді. Бұл әуежай қызметкерлері арнайы жолаушыны оңай анықтап, қажет болған жағдайда оған көмекке келу үшін жасалған.
Посмотреть эту публикацию в Instagram
Шеннон әуежайы Еуропада сенсорлық бөлмені ашқан алғашқы әуежай болды. Мұнда ерекше атмосферасы, әдемі ашық түсі, хош иісі, дыбыс, әр түрлі бітімдегі беткі қабаттарға жанасу адамдарға ерекше көңіл-күй сыйлайды. Бөлмелер тәулігіне 24 сағат ашық.
Капсулалы қонақүйлер
Капсула қонақүйі негізінен транзиттік рейспен ұшатын жолаушылар мен рейсті көп күтетіндерге, сондай-ақ, жай ғана біраз демалып, мызғып алғысы келетіндерге арналған.
Посмотреть эту публикацию в Instagram
Мысалы, Мәскеудің Шереметьево әуежайында осындай капсулалық қонақүй бар. Мұнда бір-үш адамға арналған жатын орындары бар және оларды жарты сағатқа да, ұзақ уақытқа да жалға алуға болады.
Посмотреть эту публикацию в Instagram
Сонымен қатар, сізге багажды сақтауға арналған жеке шкаф, душ қабылдау және ыстық шай, кофе ішу мүмкіндігі де қарастырылған.
Посмотреть эту публикацию в Instagram
Лас-Вегастағы МакКарран әуежайында ұйықтау орындары да бар. Шағын бөлмелер екі орынды кереуеттермен жабдықталған. Жатын бөлмені жалға алу екі сағат үшін 30 доллардан (шамамен 13 000 теңге) тұрады. Дегенмен, әуежайда ұйықтайтын және демалатын орындар аз емес. Сонымен, Нұр-Сұлтандағы қазақстандық әуежайда капсулалы қонақүй бар.
Йога бөлмелері
Бірақ әуежайларда арнайы бөлінген йога бөлмелерін табу енді жаңалық емес. Әлеуметтік желілерде йогамен айналысатындар күту залдарында жаттыққан көптеген суреттерді көруге болады.
Посмотреть эту публикацию в Instagram
Дегенмен, кейбір әуе айлақтары жолаушылардың бос уақытының бұл түріне ерекше назар аударды. Мысалы, Чикаго О'Хара әуежайы. Мұнда, басқа әуежайдағы сияқты, ығы-жығы, өте шулы. Таңқаларлық емес, өйткені Чикаго Америка Құрама Штаттарындағы ең үлкен мегаполистердің бірі болып табылады. Сондықтан мұнда әуежайдың жеке қонақүйі Hilton Chicago O'Hare Airport салынды. Спорт залдары, сауна және йога бөлмелері бар. Йога жаттығулары мен ұшу туралы ақпаратты бейнелейтін монитор бар. Олар сондай-ақ, Сан-Франциско әуежайында да йогамен айналысуға болады.
Посмотреть эту публикацию в Instagram
Питтсбург әуежайындағы төбелесқұмарларға арналған камералар, АҚШ
Питтсбургте әуежайдың дәл жанында жолаушылар арасында төбелесқұмарларды ұстауға арналған камералар бар. Кейде ол жерге заңсыз өткен туристер де орналастырылады. Оларды басқа жерге көшіргенше сол жерде ұстауға болады. Бөлме нағыз түрме камерасына ұқсайды: шағын кеңістіктің ішінде қабырғаға бұралған металл орындықты кереует, дәретхана, қолжуғыш, тот баспайтын болаттан жасалған айна және есікте темір тор бар.
Aviata.kz - үйіңізден немесе кеңсеңізден шықпай-ақ, әлемнің қалаған нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.
Әуе және теміржол билеттерін сатып алуға болатын "Авиата" қосымшасын мына сілтеме бойынша жүктеуге болады.
