Әуежайда тексеру кезінде неліктен ноутбукты қосуды сұрайды?

Әуежайда тексеру кезінде сөмкеңізден ноутбукты шығарып, оны қосу керек деген талап қойылатынын білетін шығарсыз. Tengritravel.kz тілшісі мұның не үшін керек екенін анықтап білді.

Жолаушының барлық заттары тексеру аймағында сканнан өтуі керек. Алайда сөмкеден ноутбукты шығарып, кейде оны қосу керектігі талап етіледі.

Девайстардың батареялары тығыз келеді, сол себепті рентген сәулелері оның ішінде не барын көре алмайды екен. Қол жүгінде басқа заттарды көру үшін ноутбукты шығару керек.

Неліктен қосу керек?

Оның расымен істеп тұрғанын білу үшін сұрайды, өйткені қауіпсіздікке нұқсаң келтіретін муляж алып жүретіндер де болуы мүмкін.

Алайда мұндай тексеріс барлық жерде жүргізілмейді. Қауіпсіздік қызметінің мамандары ноутбукты шығару немесе оны қосу керектігі туралы айтпауы да мүмкін, өйткені әуежайларда заманауи 3D-скан қолданылады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!