"Ыстық және ауа жоқ". Нұр-Сұлтан - Түркістан пойызына отырған турист наразы болды

Гүлмира Сәулебекова көптен күткен демалысын Түркістанда өткізуге шешім қабылдады. Астанадан пойызға билет сатып алған саяхатшы вагонның жай-күйіне ренжіді, - деп хабарлайды Kaz.tengritravel.kz тілшісі.

Гүлмира осындай туристік маршрут үшін тасымалдаушы жақсы жолаушылар вагондарын ұсынды деп үміттенген.

"Менің вагоным басқаша: сұр түсті және қандай да бір себептермен купеде терезе желдеткіштері бар. Бір қызығы, әдетте купе вагондары кондиционермен жабдықталған және фрамугалар ешқашан болмаған. Бірақ мұнда бар екен! Бұл мені бірден қорқытты. Біз оңтүстікке барамыз. Жолсеріктек "кондиционер жұмыс істеп тұр ма?" деп сұрадым. Ал ол маған жауап ретінде: бұл ресейлік вагон, мұнда олар мүлдем жоқ, құрамда осындай үш вагон барфн айтты. Кейін Түлкібас станциясынан кейін вагонда ыстық және ауа болмай қалды", - деп жазды ол.

Фото: Гүлмира Сәулебекова

Оның айтуынша, вагондар ескі, қабырғалары талшықты тақтаймен бекітілген, ал дәретханалардың жағдайы нашар.

Kaz.tengritravel.kz тілшісі түсініктеме алу үшін Қазақстан Республикасы Индустрия және инфрақұрылымдық даму министрлігіне жүгінді. Ведомство өкілдері тасымалдаушы "Сарыарқа Компани" ЖШС екенін айтты. Компания төрт бағытта тасымалдайды, олардың үшеуін мемлекет субсидиялайды: Орал - Нұр-Сұлтан, Маңғыстау - Бейнеу, Ақтөбе - Шалқар. Ал Нұр-Сұлтан - Түркістан бағыты коммерциялық бағыт болып саналады.

"Сарыарқа Компани" ЖШС компаниясының басшысы Марат Бекішев аталған пойыз құрамында 16 вагон бар екенін, олардың сегізі кондиционерлермен жабдықталғанын айтты.

"...Вагондар сәуірдің екінші жартысында келді және олардың техникалық параметрлері мемлекеттік нормаларға толық сәйкес келеді. Бұл вагондардың пайдалану мерзімі - 2040 жылға дейін. Мерзім өндіруші зауыттан 2024 жылға дейін белгіленген. Пайдалану мерзімі 28 жыл. Бірақ Қазақстан мен ТМД елдерінің заңнамасына сәйкес қалпына келтіру жұмыстарын жүргізу есебінен бұл мерзімді тағы да қосымша 15 жылға ұзартуға болады", - деп түсіндірді ол.

Директордың айтуынша, техникалық құжаттама мен вагондардың жағдайы қозғалыс қауіпсіздігінің барлық ережесіне сәйкес келеді. Нұр-Сұлтан - Түркістан бағыты мемлекет тарапынан субсидияланбайды. Бұл сұраныстың жоғары болуына байланысты компанияның бастамасы болды. Пойыз өткен жылы іске қосылды. Осы уақыт ішінде компания 35 000 жолаушыны тасымалдады. Биыл 4 000-нан астам жолаушы қатынады.

Ең маңызды жаңалықтар - біздің Facebook парақшамызда! Дəл қазір жазылып алыңыз!