Тау бассейні, су перілері және шайтандар. Қарқаралы ұлттық саябағы жайлы тылсым аңыз-әңгімелер

Қарқаралы ұлттық табиғи саябағында шетсіз-шексіз жапырақты және қылқан жапырақты ормандар өсетін Қарқаралы таулары мен Кент массивінен тұрады. Жергілікті тауларда сұлу көлдер бар. Kaz.tengritravel.kz порталы Aviata.kz сервисімен бірге осы ұлттық саябақтың несімен ерекшеленетіні туралы әңгімелейді.

Оның кең аумағында биіктігі 1000 метрден асатын бірнеше тау шыңдары бар, саябақта туристерге арналған алты бағыт бойынша жүреді, оның ішіне жаяу серуендеу, велосипедпен жүру және атпен серуендеу қарастырылған.

Сурет paleokazakhstan.info сайтынан

Бұрындары бұл алқапта бұдан да асқақ таулар болған еді, олар уақыт өте келе ұсақ шоқылар мен жоталарға бөлініп мүжілді. Беткейлер эрозиядан қатты зақымданды. Нәтижесінде жергілікті жыныстар көп қабаттардан тұратын жамылғыларға ұқсайды және басқа да пішіндерді бейнелейді.

Тау шатқалдарынан төмен қарай бұлақтар ағып жатыр, олардың ішіндегі ең ірілері Қарқаралы (салалары Түлкілі, Тасбұлақ), Жарым, Кеңдара, Қопа және Кералы. Ұлттық саябақ Шайтанкөл, Кеңдара, Бассейн, Үлкенкөл және Пашенное сияқты әсем көлдермен қоршалған, сонымен қатар кішігірім су қоймалары, сондай-ақ гранит тастарындағы жаңбыр суымен толтырылған ерекше тостағанды су қоймалары бар.

Шайтанкөл көлі, Сурет paleokazakhstan.info сайтынан

Саяхатшылардың көпшілігі аймақтың екі көрікті жерін көру үшін келеді екен. Қарқаралының басты көрікті жері - Шайтанкөл немесе Ібіліс көлі деп аталған далада орналасқанына қарамастан тау су қоймасы болып саналатын көл. Бұл көл жайлы небір жұмбақ аңыздар бар. Аңыз бойынша, бұл көлде түнде шайтандар билеп жүреді екен, тіпті әулие қариялардың да оларға шамасы жетпейді екен.

Сонымен қатар, жергілікті аңыз бойынша, мұнда түнде жағаға су перілері де шығып отырады екен, оларды көріп қалған адамдар оңбайды деседі. Кейбір жолаушыларды бұл жер қатты қорқынышқа бөлейді екен. Көлдің тағы бір ерекшелігі - көлге келген туристер қайтар жолдан жаңылысып, адасып қалады екен.

Сурет paleokazakhstan.info сайтынан

Көл жайлы тағы бір әдемі аңыз бар. Ол - Сұлушаш атты ару мен оның махаббаты туралы. Ерте заманда осы аймақта Сұлушаш атты ару өмір сүріпті. Оның әкесі бай, бақуатты адам болыпты. Олардың үй шаруасына бір кедей отбасы қызмет етеді екен, олардың Алтай атты ұлы болыпты. Жігіт есейе келе, Сұлушашқа ғашық болған екен, бірақ қыздың әкесі кедей жігітке қызын бергісі келмейді. Сонда Алтай Қайсар атты досымен қызды алып қашпақшы болады.

Сурет paleokazakhstan.info сайтынан

Түнделетіп үшеуі жолға шығады, аңсаған армандарына қол жеткізер жолда кенеттен арыстанның ақырғанын естіп қалады. Арыстаннан қатты қорыққан қыз хайуаннан жасырынам деп жартастан суға секіріп кетеді, артынан Алтай да суға секіреді, ғашықтар жағаға жете алмай, суға батып қайтыс болады. Қайсар атты досы екеуін құтқармақ ниетпен Шайтанкөлге секіріп, суға батып өледі.

Содан бері, аңызда айтылғандай, көлді үш бейкүнә жан кезіп жүреді, олар кейде қорқынышты да, қайғылы би орындау үшін де шығады екен.

Сурет paleokazakhstan.info сайтынан

Аймақтың тағы бір көрікті жері - бұл көл-бассейн. Табиғаттың бұл ерекше туындысы биік тауларда орналасқан және мөлдір суға толған бассейнге ұқсайды. Су қоймасы жартастың биігінде орналасқан, ол жерден осы алқапқа тамаша көрініс ашылады.

Сурет silkadv.com сайтынан

Көлдің жағасы тік және жазық тасты таулардан тұрады, олар қолмен кескендей өте тегіс, жылтыр көрінеді. Бірақ тостағанның өзі табиғи, ол теңіз деңгейінен 1200 метр биіктікте, тауларда орналасқан. Бассейннің ұзындығы 60 метр, ені 40 метр, ал орташа тереңдігі екі метр. Оның ерекшелігі су қоймасына бірде-бір өзен немесе бірде-бір ағын су құйылмайды, су ешқайда ағып кетпейді және буланбайды. Бұл жерде су деңгейі 365 күн бойы өзгермейді.

Жаяу серуендеу жолдарымен жүргенде марал, бизон, бұлан немесе арқарды көруге болады, сондай-ақ, қасқыр, түлкі, ақсуыр, сілеусін және сабаншы да бар.

Сурет paleokazakhstan.info сайтынан

Сабаншы - барлық жабайы мысықтардың ішіндегі ең ақырын және баяу қозғалатыны, ол жалғыз өмір сүруді және аң аулауды жақсы көреді. Табиғатта мысықтар отбасының бұл өкілі 10 - 12 жыл ғана өмір сүреді. Ұлттық парктің қалың бұталарында бұл қорқынышты жануарды байқайтындар аз, өйткені сабаншы мысықтары өте епті және үркек болып келеді. Олар қорғалатын аңдар қатарында, Қазақстанның Қызыл кітабына енгізілген.

Сабаншы, сурет ru.wikipedia.org сайтынан

Қалай жетуге болады

Алматыдан Қарқаралыға пойыз күн сайын Алматы - Қарағанды бағытында жүреді. Шатл-автобустар немесе таксилер Қарағандыдан саябақ бағытында жүреді

Қарқаралыға Нұр-Сұлтаннан Қарағандыға дейін пойызбен жетуге болады.

Коронавирус пандемиясы жақын арада аяқталып, шекаралар қайтадан ашылады деп үміттенеміз.

Aviata.kz - үйіңізден немесе кеңсеңізден шықпай-ақ, әлемнің кез келген нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.

Aviata қосымшасын мына сілтеме бойынша орнатуға болады.