Шымбұлақта жаңа маусым қашан ашылады: күні мен мән-жайы айтылды

Шымбұлақ тау-шаңғы курортында маусым ашылатын күн белгілі болды. Курорт өкілдері әзірге техникалық ашылу туралы айтты, - деп хабарлайды Tengritravel.kz тілшісі.

Маусымның басталуы туралы ресми хабарлама курорттың Telegram-арнасында жарияланды.

"Техникалық ашылу күндерін жариялаймыз. Биылғы қысқы маусым 23 қарашада, сенбі күні ашылады", – делінген ұйым хабарламасында.

Ресми ашылу желтоқсанда өтетіні нақтыланды, себебі трассаларды дайындау үшін көбірек уақыт пен қар қажет.

"Түнгі сырғанаулар желтоқсанға қарай басталады", – деді курорт өкілдері.

Сонымен қатар, аспалы жолдардың жұмыс режимі туралы мәліметтер берілді:

• Медеу - Шымбұлақ – 8:30-дан 18:00-ге дейін;
• "Комби-1" – 9:00-ден 17:00-ге дейін;
• "Комби-2" – 9:00-ден 16:30-ға дейін;
• Сол Талғар – 09:30-дан 15:30-ға дейін;
• ККД-4 – 09:30-дан 17:30-ға дейін.

Саяхат қызықтары мен пайдалы ақпаратты Instagram және Facebook парақшаларынан оқи аласыз!