Павлодар облысында заңсыз аңшылық дерегі анықталды

Фото: instagram.com/qazaqormany

Павлодар облысында заңсыз аңшылық дерегі анықталды, - деп хабарлайды Tengritravel.kz тілшісі.

2024 жылдың 20 қарашасында Павлодар облысында ҚР ЭТРМ Орман шаруашылығы және жануарлар дүниесі комитеті "ОХОТЗООПРОМ"ӨБ" РМҚК инспекторлары Tank-300 маркалы автокөлікті тексеру үшін тоқтатқан.

"Тексеру барысында еліктің еті және ИЖ-27 маркалы аңшылық мылтығы табылды, бірақ тиісті рұқсат құжаты болмаған.

Материалдар құқық қорғау органдарына жолданды. ҚР ҚК 337-бабының 3-бөлігі (Заңсыз аңшылық) бойынша қылмыстық іс қозғалды", - делінген хабарламада.

ҚР Экология және табиғи ресурстар министрлігі аңшылық ережелерін қатаң сақтаудың қажеттігін еске салып, браконьерлік үшін жауапкершілік туралы ескертеді. Қоршаған орта қорғау шаралары облыс аумағында күшейтілген режимде жалғасып жатыр.