Нұр-Сұлтан - Бішкек рейсі жақын арада жаңартылады

Қазақстан Нұр-Сұлтан - Бішкек тұрақты әуе рейсін жаңартады. Жақын арада екі елдің астаналары арасында әуе қатынасын орнату жоспарланған, - деп хабарлайды Kaz.tengritravel.kz тілшісі ҚР ИИДМ Азаматтық авиация комитетіне сілтеме жасап.

Қазақстан Республикасының аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссияның кезекті отырысында Нұр-Сұлтан – Бішкек бағытында Қазақстан мен Қырғызстан арасындағы тұрақты әуе қатынасын қалпына келтіру мәселесі қаралды.

Нәтижесінде "Эйр Астана" әуе компаниясы жақын арада екі ел астанасы арасындағы рейстерді қайта бастайтын болды.

Рейстер санитарлық-эпидемиологиялық талаптарды қатаң сақтай отырып және әуе компаниясының сайтында жарияланған кестеге сәйкес E190-E2/A – 320 әуе кемелерімен орындалады.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!