Нұр-Сұлтан әуежайында ұшу-қону жолағы жөнделеді

Нұр-Cұлтан әуежайында 2022 жылғы 15 шілде мен 8 тамыз аралығында ұшу-қону жолағына жөндеу жүргізіледі, - деп хабарлайды Kaz.tengritravel.kz тілшісі Астана әуежайының баспасөз қызметіне сілтеме жасап.

Әуе айлағының мәліметінше, жөндеу жұмыстары сағат 11.00-ден 18.00-ге дейін жүргізіледі. Сондықтан әуежайдың жұмыс регламенті өзгертіледі. Бұл әуекомпанияның барлық күндізгі рейстері басқа уақытқа ауыстырылады дегенді білдіреді.

"Ұшу қауіпсіздігін қамтамасыз ету мақсатында аталған жөндеу жыл сайын жүргізіледі. Жөндеу жұмыстарын жүргізу туралы шешімді әуежай осы жылдың ақпанында қабылдады, содан кейін осы жұмыстардың кестесі туралы ақпарат әуекомпанияларға уақытылы жіберілді. Әуетасымалдаушылар әуежайдан алынған хабарлама негізінде рейстер кестесіне өзгерістер енгізді", - деп хабарлады әуежайдың баспасөз қызметі.

Осы жылдың наурызында Ақтөбе әуежайында жөндеу жұмыстары жүргізіліп, ұшу-қону жолағында жөндеу жұмыстары жүрмеген уақытта, яғни түнгі уақытта да ұшулар орындалды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!