Сурет Маңғыстау облысы әкімдігінің баспасөз қызметінен Сурет Маңғыстау облысы әкімдігінің баспасөз қызметінен

Маңғыстауда туристер үшін алғашқы визит-орталық ашылды


Маңғыстау облысында "Сартас" визит-орталығының ашылу салтанаты өтті, - деп хабарлайды Kaz.tengritravel.kz тілшісі өңір әкімшілігінің баспасөз қызметіне сілтеме жасап. 

"Сартас" визит-орталығы Каспий теңізінің Түпқараған ауданына тиесілі жағалауында, Таушық ауылынан 32 шақырым қашықтықта орналасқан.

Маңғыстау жерінде танымал "Жығылған", "Саура", "Тамшалы" т.б табиғаты ерекше жерлерге бет алған туристер "Сартас" визит-орталығына аялдап, тынығуға мүмкіндігі бар. Жаңа нысан күніне 100 адамды қабылдауға қауқарлы.


Сурет Маңғыстау облысы әкімдігінің баспасөз қызметінен

Визит-орталықты жергілікті кәсіпкер Ербол Байжігітов өз қаражатына салған. Жоба құны - 248 миллион теңге.

"Бүгінгі таңда Маңғыстаудың табиғатын тамашалауға келетін туристердің саны күн санап артып келеді. Осы көрсеткіш визит-орталық салуға себеп болды. Түпқараған ауданында табиғаты ерекше, көпшілікке танымал тарихи жерлер бар. Осы жерлерге де келушілердің саны да жыл сайын артуда. Сондықтан визит-орталық аталған жерлерге сапарлап шыққан туристердің тұрақтап, демалатын орнына айналады. Жобаның ерекшелігі, ауданның табиғаты ерекше тарихи және мәдени жерлерінің орталығында орналасқан", - деді "Сартас" визит-орталығының негізін қалаушы Ербол Байжігітов.

Сурет Маңғыстау облысы әкімдігінің баспасөз қызметінен

Kazakh Tourism төрағасы Талғат Аманбаевтың айтуынша, елімізде туризмді дамыту үшін 20 жоба жүзеге асырылып жатыр. 

"Бұл - Маңғыстау жерінде ашылған алғашқы сапар-орталық. Осындай сапар орталығы арқылы жергілікті туризм де қарқынды дамиды. Солардың бірі "Сартас" визит-орталығында ұйымдастырылады. Біздің мақсатымыз-орталыққа көптеген туристерді тарту, - деді "Kazakh Tourism" ұлттық компаниясы" АҚ төрағасы Талғат Аманбаев.

Сурет Маңғыстау облысы әкімдігінің баспасөз қызметінен





Осыған ұқсас мақалалар

Қазақстанда әуекомпаниялардың зейнеткерлер үшін қандай жеңілдігі бар Қазақстанда әуекомпаниялардың зейнеткерлер үшін қандай жеңілдігі бар
Еуропаға саяхатты қалай жоспарлау қажет? Еуропаға саяхатты қалай жоспарлау қажет?
Гавайға ұшқан барлық жолаушыларға ерекше сыйлық берілді Гавайға ұшқан барлық жолаушыларға ерекше сыйлық берілді