“Көлсай көлдері“ ұлттық паркінде қар барысы мен сілеусін камераға түсіп қалды

"Көлсай көлдері" ұлттық табиғи паркінде қар барысы мен Түркістан сілеусіні фототұзаққа түсіп қалды, - деп хабарлайды Tengritravel.kz тілшісі.

Орман шаруашылығы және жануарлар дүниесі комитетіне тиесілі фототұзақ сирек кездесетін жануарлардың таңғажайып сәттерін түсіріп алды. Түнгі уақытта парк аумағында өз табиғи ортасында сенімді қимылдап жүрген қар барысы байқалды.

Сонымен қатар, фототұзақ сирек кездесетін Түркістан сілеусіні түсірді: ол жемтігін байқаған бойда секіруге дайындалып, бірақ соңғы сәтте райынан қайтып, нысанасын тастап кетті.

"Бұл кадрлар жыртқыштардың күнделікті өмірін ғана көрсетіп қоймай, сонымен бірге парк аумағында олардың мекендеуіне қолайлы жағдай жасалғанын дәлелдейді. Табиғатты сақтап, қар барысы мен түркістан сілеусіні сияқты асқақ жануарларды қорғауға бірге атсалысайық!", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!