Қазақстаннан Украинаға рейстер 7 наурызға дейін тоқтатылады

Қазақстандық әуекомпания Украина әуе кеңістігімен ұшуға тыйым салынуына байланысты мәлімдеме жасады, - деп хабарлайды Kaz.tengritravel.kz.

Осыған дейін Қазақстан Республикасының Индустрия және инфрақұрылымдық даму министрлігі Украинаның әуе кеңістігімен ұшуға тыйым салынғанын жариялады. 

"Украинаның әуе кеңістігі жабылуына байланысты "Эйр Астана" бүгіннен бастап Киевке қатынайтын рейстерді 2022 жылдың 7 наурызына дейін тоқтатады. Қайта брондау тегін және 2022 жылдың 22 ақпан мен 7 наурыз аралығына алынған билет ақысын қайтарып алу мүмкіндігі 31 наурызға дейін жүзеге асырылады. Жолаушыларға SMS-хабарлама жіберілді. Киевке рейстер туралы ақпаратты airastana.com сайтынан тексеруді сұраймыз", - делінген әуекомпанияның баспасөз қызметі таратқан хабарламада.