Қазақстаннан Римге тікелей рейс ашыла ма? Азаматтық авиация комитеті жауабы

Қазақстандықтар Римге тікелей әуе рейсінің ашылатыны туралы жаңалықтарды күтіп жүр. Көлік министрлігінің Азаматтық авиация комитеті Tengritravel.kz сауалына жауап берді.

"2024 жылы итальялық Neos әуе компаниясы Рим, Миланнан Астанаға тікелей жолаушылар рейсін ашу мүмкіндігін қарастырып жатқанын хабарлаймыз", - деп жауап берді ААК.

Сондай-ақ, қазақстандық әуекомпаниялар орта мерзімді перспективада Испания мен Италияға тікелей тұрақты рейстерді орындауды жоспарлап отырған жоқ.

Егер шетелдік әуекомпаниялар Қазақстанға тікелей тұрақты рейстерді орындауға өтінімдер қабылдаса, комитет қолданыстағы келісімдер аясында шетелдік әуекомпаниялардың рейстерін ашу мәселесін қарауға дайын екені түсіндірілді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!