Қазақстанға келетін әуерейстерінің көптеп ашылуы қандай жағдайда мүмкін болатындығы белгілі болды

Қазақстандағы коронавирустың таралуын болдырмау жөніндегі ведомствоаралық комиссия қазақстандықтардың ПТР анықтамаларынсыз өз еліне оралу құқығына байланысты мәлімдеме жасады, - деп хабарлайды Kaz.tengritravel.kz.

ВАК 26 қазаннан бастап халықаралық әуе тасымалын жүзеге асыратын әуекомпанияларға ПЦР талдауының нәтижелері туралы анықтамасыз жолаушыларды отырғызуға тыйым салу туралы шешім қабылдады. Сонымен бірге, бұл талап тек шетелдік азаматтарға қатысты екендігі айтылды.

"Қазақстан азаматтары шет елдерден Қазақстанға ПЦР анықтамасынсыз ұшуға құқылы. Сонымен бірге, біз өз азаматтарымызға барған елінде ПЦР-тестілеуден өтуге кеңес береміз. Егер жаңа ауру тасымалы анықталса, онда шешімді өзгертуге тура келеді. Бәрі қазақстандықтарға байланысты, егер 100 пайыз біздің азаматтар шетелдерден ПЦР анықтамасымен келетін болса, онда халықаралық рейстерді көбейту мәселесі қайта қаралады", - деді брифингте көлік жөнінде бас мемлекеттік санитарлық дәрігер Садуақас Байғабылов.

ВАК елге келген кезде қазақстандықтар ПЦР тестілеу нәтижелері шыққанға дейін карантинге жатқызылатынын атап өтті.

Журналистердің сұрақтарына жауап бере отырып, Садуақас Байғабылов шетелдік азаматты ПЦР анықтамасынсыз Қазақстанға алып ұшқан әуекомпанияларға қатысты әкімшілік шаралар қолданылып, 1600 АЕК көлемінде айыппұл салынатындығын айтты.

Қазақстан Республикасының аумағындағы ішкі рейстерге отыру кезінде ПЦР сынақтарының нәтижелері туралы анықтама талап етілмейді.