Будапешт, Венгрия. Фото ©Shutterstock Будапешт, Венгрия. Фото ©Shutterstock

Қазақстандықтардың вакцина паспорты Венгрияға баруға жарамсыз болуы мүмкін


Қазақстандықтардың вакцина паспорты жаңа шектеулерге байланысты Венгрияға баруға жарамсыз болуы мүмкін. Еуропалық елдің үкіметі вакцина паспорттарының мерзімін қысқартуға шешім шығарды, - деп хабарлайды Kaz.tengritravel.kz тілшісі Вестник АТОР сайтына сілтеме жасап.

"Спутник V" вакцинасын мойындаған Венгрияда 2022 жылдың 15 ақпанынан бастап вакцина сертификаттарының жарамдылық мерзімі бір жылдан алты айға дейін қысқарды. Бұл "омикрон" коронавирус штамының таралуына қарсы күресте жаңа шараларға байланысты енгізіліп отыр. 18 жастан асқан адамдар екінші дозадан кейін төрт айдан соң қайта егілуге құқылы. Туристерде вакциналау сертификаттарының қолданылу мерзіміндегі өзгерістерді реттейтін басқа мәліметтер жоқ.

ЕО билігінің ресми шешіміне сәйкес, 1 ақпаннан бастап блок елдерінде вакцина сертификаттарының қолданылу мерзімі бір жылдан тоғыз айға дейін (270 күн) қысқарады.

Сонымен қатар, Венгрия вакцина алған қазақстандықтар үшін де, вакцина алмаған туристер үшін де ашық. Келген кезде карантинге жатқызылмайды немесе қосымша тест тапсырудың қажеті жоқ. АТОР мәліметінше, туристерге Венгрияға кіру үшін стандартты құжаттардан басқа (төлқұжат, виза, әуе билеті және т.б.) COVID-19 вакцинасы туралы сертификат немесе ағылшын немесе венгр тілдерінде 72 сағаттан аспайтын коронавирусқа ПТР-тестінің теріс нәтижесі қажет болады.

Осылайша, егер вакцинаның соңғы дозасынан алты айдан астам уақыт өтсе, турист Венгрияға ПТР-тестімен кіре алады. Алайда, ел ішінде қандай да бір қолайсыздық туындауы мүмкін. 2021 жылдың 20 қарашасынан бастап Будапештің 16 жастан асқан адамдарға арналған монша мен жылу кешендеріне кіру тек вакцина сертификаты болған жағдайда ғана қолжетімді. Тиісінше, ПТР-тестіне арналған моншаларға бару мүмкін болмайды. Бірақ қонақүйлерде тұру, мұражайлар мен мейрамханаларға бару кезінде Венгрияда вакцина алмаған туристер үшін мәселе болмайды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Қазақстандықтарға аптасына 583 ішкі әуе рейсі қолжетімді Қазақстандықтарға аптасына 583 ішкі әуе рейсі қолжетімді
Алматы облысында сирек кездесетін қара құмайлар суретке түсірілді Алматы облысында сирек кездесетін қара құмайлар суретке түсірілді
Лоукостер Нұр-Сұлтаннан Бішкекке рейс ашады Лоукостер Нұр-Сұлтаннан Бішкекке рейс ашады