Қазақстандықтар Шымкентке ұшатын рейстердің жаппай кешігуі туралы ескертілді

Шымкентте ауа райының қолайсыздығына байланысты қаладан/қалаға барлық рейстер кейінге шегерілуі мүмкін. Бұл туралы қазақстандық FlyArystan әуе компаниясының өкілдері мәлімдеді, - деп хабарлайды Tengritravel.kz тілшісі.

Тасымалдаушының түсіндіруінше, Шымкент әуежайында қазіргі болжам бойынша ауа райы ұшып-қонуға мүмкіндік бермейді. Әуе компаниясы қаланың әуежай аймағындағы ауа райы болжамын үздіксіз бақылап отырады.

Сонымен қатар, жолаушыларға мынадай қолдау ұсынылады:

Егер кешігу екі сағаттан асса, жолаушыларға сусын ұсынылады.
Егер кешігу төрт сағаттан артық болса - ыстық тамақ.

"Сусындар мен тамақ беруге қатысты сұрақтар бойынша жолаушыларды әуежайдағы FlyArystan өкілдерімен байланысуын сұраймыз", - делінген компания хабарламасында.

Егер рейс 5 сағаттан артық кешіктірілсе, жолаушылар қол жетімділікке байланысты келесі рейске бір рет тегін қайта брондау жасай алады немесе тариф ережелеріне сәйкес ақшаны қайтара алады.

"Егер билеттер ресми сату арналарында – мобильді қосымшада немесе компанияның веб-сайтында дербес сатып алынған болса – "Брондауды басқару" арқылы қайтаруға болады. Егер әуе билеті үшінші тарап ресурстарында (Aviata, Kaspi Travel, туроператордың билет кассалары және т.б.) сатып алынған болса, әуе билетін сатып алған жерге хабарласыңыз", - деп қосты баспасөз қызметі

Саяхат қызықтары мен пайдалы ақпаратты Instagram және Facebook парақшаларынан оқи аласыз!