+7 (777) 001 44 99
БАӘ-де қалып қойған қазақстандықтарды тасымалдау үшін Алматы, Нұр-Сұлтан және Шымкент қалаларына репатриациялық рейстер орындалады, - деп хабарлайды Kaz.tengritravel.kz тілшісі.
FlyArystan әуекомпаниясының мәліметінше, 14 қаңтарда Шарджадан Нұр-Сұлтан мен Алматыға репатриациялық рейстер жоспарланған. Олар 2022 жылғы 7 қаңтарда болуы тиіс еді. КС 7850 рейсінің ұшуы Дубай әуежайынан (DXB) жергілікті уақыт бойынша 13.45-те, Алматыға Нұр-Сұлтан уақыты бойынша 19.55-те ұшып келеді.
Бұдан басқа, 15 қаңтарда Дубай - Шымкент бағыты бойынша КС7420 рейсі жоспарланған. Ұшып шығу сағат 11.50-де, ал Алматыға ұшып келу Дубай уақыты бойынша сағат 17.30-да. Бұл рейспен елге 8, 10 және 15 қаңтардағы Дубай - Шымкент рейсінің жолаушылары қайтарылатын болады.
Әуекомпанияда 2022 жылғы 15 қаңтардан бастап жолаушыларға (ҚР вакцина алған азаматтарды қоса алғанда) ПТР-тестінің теріс нәтижесі болған кезде ғана Қазақстанға кіруге рұқсат етілетінін еске салды. Анықтама Қазақстанға келгеннен кейін биоматериал сынамасын тапсырған сәттен бастап 72 сағат бойы жарамды. Осыған байланысты компания жолаушылардан Қазақстанға кірудің жаңартылған ережесімен алдын ала танысуды және ұшудан үш сағат бұрын әуежайға келуді сұрайды.
Қазақстандық лоукостер ТЖ кезінде компанияның байланыс орталығында жедел желі іске қосылғанын еске салады. Ол бойынша компания еріктілері рейстер мен ұшу ережелері туралы ақпараттық қолдау көрсетеді. Төтенше жағдай кезінде рейстері орындалмаған жолаушыларға айыппұлсыз билеттерді толық қайтаруға немесе қайта брондауға рұқсат етілгені атап өтілді. Ол үшін жолаушылар билеттерді сатып алу орнына хабарласуы керек. Сайтта билеттерді сатып алғандар FlyArystan.com немесе мобильді қосымшада қайтаруды/қайта броньдауды өз бетінше жасай алады немесе +7 7273 311010 нөмірі (кейін 4 санын таңдау керек) бойынша лоукостердің байланыс орталығына жүгіне алады.
Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!
