Қазақстандық туроператорлар БАӘ туристеріне не ұсынады?

Қазақстанның туристік компаниялары өткен аптада Біріккен Араб Әмірліктерінде аймақтың 20 туроператоры үшін Дубай және Абу-Даби қалаларында роуд-шоулар сериясын өткізді.

Skyway, Kompas, Itour LLP Fun&Sun және Air Astana авиакомпаниясы құрамындағы қазақстандық делегация Kazakh Tourism ұлттық компаниясының, Алматы қаласының туризм басқармасының және Қазақстан Республикасының Дубай қаласындағы Бас консулдығының қолдауымен жергілікті нарықтың сұраныстарына бейімделген арнайы турларды таныстырды.

Кездесуде БАӘ туроператорлары атап өткендей, Қазақстанға саяхат қысқы орындарға бару тұрғысынан қызықты, әсіресе Алматыда ұсынылатын люкс және эксклюзив турлар ұнады.

"Біздің компанияның клиенттері жоғары жайлылықтағы демалысты жақсы көреді. Біз олар үшін қабылдаушы ел ұсынатын ең жақсы турларды арнайы таңдаймыз. Қазақстаннан келген әріптестеріміздің презентациясында біз керемет көріністері бар ірі желілік қонақүйлерді көрдік. Біздің клиенттерге осындай демалыс ұсынысы ұнайтынына сенімдімін", - деп бөлісті Voyage tours директоры Аднан Ариди.

БАӘ-ден туристерді қабылдау үшін біздің еліміз қажетті жағдайлар жасады, оның ішінде елдер арасында екіжақты визасыз режим әрекет етеді, ол бойынша БАӘ азаматтары Қазақстанда 30 күнге дейін визасыз бола алады.

Өз кезегінде Air Astana Дубай қаласынан Алматыға әуе рейстерінің жиілігі аптасына 7 рейске дейін артқаны туралы хабарлады.

Пандемияға дейін БАӘ-ден туристер ағыны жеделдетілген қарқынмен өсті. Айқын динамиканы жылдар бойынша байқауға болады: 2016 жылы БАӘ - ден Қазақстанға 1 493 адам келді, 2017 жылы - 3 503, 2018 жылы - 5 253, 2019 жылы - 8100. Пандемия кезінде олардың саны 10 есе азайды.

Биыл туристік ағын біртіндеп қалпына келтірілуде, eQonaq жүйесінің мәліметтері бойынша, жыл басынан бастап бүгінгі күнге дейін БАӘ-ден 2100-ден астам турист қоныстанды. Жыл соңына дейін бұл көрсеткіш Қазақстанда қысқы демалысқа сұраныстың артуын ескере отырып, 3 000 туристтен асуы мүмкін.