Қазақстанда жаңа халықаралық рейс ашылады

Қазақстанда Өзбекстанмен жаңа бағыт ашылды, - деп хабарлайды Tengritravel.kz тілшісі

Қазақстан Республикасы Көлік министрлігі рейстер географиясын кеңейту және қолданыстағы бағыт бойынша рейстер санын арттыру бойынша тұрақты жұмыс жүргізіп жатқаны хабарланды.

"Uzbekistan Airways" әуе компаниясы биылғы жылдың 1 маусымынан бастап жаңа Алматы-Нөкіс әуе бағыты бойынша тұрақты рейстерді орындай бастайды. Рейстер аптасына екі рет (сәрсенбі және сенбі күндері) 174 орындық "Эйрбас-А320" ұшағында орындалады", - делінген хабарламада.

Жаңа әуе жолының ашылуы екі ел арасындағы сауда-экономикалық, іскерлік, туризм саласындағы ынтымақтастықты одан әрі дамытуға ықпал етеді.

Сондай-ақ, ведомство мәліметінше, Қазақстаннан халықаралық рейстердің жалпы саны 121 әуе бағыты бойынша аптасына 567-ге жеткен. Қазақстан Республикасынан 28 елге қатынауға болады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!