@Shutterstock @Shutterstock

Грекия консулдығы қазақстандықтарға виза бере бастады


Грекияның Қазақстандағы консулдығы туристер үшін виза рәсімдеуге (Шенген) құжат қабылдауды бастады, - деп хабарлайды Kaz.tengritravel.kz тілшісі.

Грекия үкіметінің сайтында қазақстандықтар вакциналау мәртебесіне қарамастан ПТР-тестінің теріс нәтижесімен елге кіре алатыны жазылған.

Қазақстан азаматтары, Еуропалық Одақтың вакцина алған тұрғындарынан және вакциналау паспорттарын тану туралы келісім қолданылатын 33 елден айырмашылығы, ПТР-тапсырудан босатылмаған. Процедурадан ересектер мен бес жастан асқан балалар келгенге дейін кемінде 72 сағат бұрын өтуі керек. Сондай-ақ, келгенге дейін 24 сағаттан аспайтын уақыт ішінде антигенге экспресс-тестің теріс нәтижесін беруге болады. Тест нәтижелерін мемлекеттік органдар немесе сертификатталған зертханалар ағылшын тілінде ұсынуы және жолаушының төлқұжатындағыдай аты-жөні толық көрсетілуі керек. Өз елінен тікелей рейспен келмейтін саяхатшылар транзиттік елдің талаптарын сақтауы керек.

@Shutterstock

Туристер келген кезде COVID-19 антигендеріне ПТР немесе экспресс-тестен қайта өтуге таңдамалы түрде міндеттелуі мүмкін. Жолаушы бас тартқан жағдайда билік оны елге жібермеу құқығын өзіне қалдырады. Іріктеу 2020 жылдың жазынан бастап қолданылатын қолайлы эпидемиологиялық бақылау алгоритмін қолдана отырып, атаулы іріктеу жүйесі арқылы жүзеге асырылады.

Оң нәтиже болған жағдайда, турист тиісті мемлекеттік органдар тағайындаған үйде немесе уақытша тұратын жерде бес күндік карантинде жатады. Карантин кезеңі келесі күні басталады. Бес күн өткеннен кейін, егер симптомдар басылса және науқастарда антипиретиктерді қолданбай 24 сағат бойы температура болмаса, олар карантиннен босатылады. Егер температура сақталса, басылғанға дейін саяхатшылар оқшауланады. Жоғарыда аталған саяхатшылар оқшауланғаннан кейін кем дегенде бес күн ішінде жоғары қорғаныс респираторын (FFP2 немесе N95) немесе екі масканың комбинациясын киюі керек.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Алматы облысында мектеп оқушыларына "жанды сабақтар" өткізілді Алматы облысында мектеп оқушыларына "жанды сабақтар" өткізілді
Алакөлде пойыздың астынан өткен туристер видеоға түсірілді Алакөлде пойыздың астынан өткен туристер видеоға түсірілді
Қазақ-қырғыз шекарасында туристік автобустар арнайы жолдан өтеді Қазақ-қырғыз шекарасында туристік автобустар арнайы жолдан өтеді