Флорида жағажайларында акула шабуылы көбейген

Флоридада демалыс күндері шомылып жүргендерге екі рет акула шабуылдаған, - деп хабарлайды Tengritravel.kz тілшісі Fox Weather басылымына сілтеме жасап.

Бірінші жағдайда 21 жастағы серфер су жыртқышының шабуылынан зардап шекті. Жігіт аяғынан ауыр жарақат алып, ауруханаға жатқызылды.

Екінші демалушы - 48 жастағы ер жағалауда шомылып жүріп акулаға кезіккен. Ол арқасынан жеңіл жарақат алып, ауруханаға жатудан бас тартқан.

Жыл басынан бері америкалық штаттың жағжайларында акулалар адамға үш рет шабуыл жасаған. Барлығында да адамдар тірі қалған және айтарлықтай жарақат алмаған.

Саяхат қызықтары мен пайдалы ақпаратты Instagram және Facebook парақшаларынан оқи аласыз!