Фото @Pixabay Фото @Pixabay

Бюджеттік саяхатқа арналған 10 кеңес


Google іздеу жүйесіндегі "жазғы арзан демалыс" сұранысы 167 пайызға көтерілді. Сондықтан Forbes Advisor бюджеттік саяхатқа арналған 10 кеңес дайындады, - деп хабарлайды Kaz.tengritravel.kz тілшісі Travel Daily Media сайтына сілтеме жасап.

1. Саяхатшылардың пікірлеріне назар аударыңыз. Олар негізгі көрнекті орындарға қатысты пайдалы кеңестерді, соның ішінде қайсысынан аулақ болу керек, көпшіліктен аулақ болу үшін қай уақытта келген дұрыс және арзан билетті қалай алуға болатыны туралы кеңестер бере алады.

2. Жергілікті тұрғындармен кеңесіңіз. Олар белгілі бір орынға қалай жетуге болатынын айтып, үнемдеуге арналған кеңестер ұсына алады.

3. Барлығын жеке-жеке брондау туралы ойланыңыз. Әрине, қызмет пакетін (туристік жолдама) сатып алу ыңғайлы, бірақ дайын ұсыныстардан бөлек нарық тағы не ұсынатынын зерттеген жөн. Осылайша, сіз тек үнемдеп қана қоймай, демалысыңызға не кіретінін таңдай аласыз.

Фото @Pixabay 

4. Өзіңізге қажет нәрсенің бәрін алдын ала сатып алыңыз. Күннен немесе жәндіктерден қорғайтын құрал сияқты көптеген қажеттілік, әсіресе туристік аудандарда немесе әуежайларда қымбатқа түсуі мүмкін. Оларды үйден алып, ұшатын әуекомпанияның ережелеріне сәйкес рұқсат етілген салмағын тексеріңіз.

5. Өз-өзіңізге қызмет көрсететін үй іздеп көріңіз. Мұндай ұсыныстар өте көп. Брондау оңайырақ болды. Егер сіз үлкен компаниямен немесе отбасымен ұшсаңыз, бұл өте ыңғайлы әрі үнемді болады.

6. Бағаларды мұқият зерттеңіз. Осы немесе басқа қызметке ең жақсы баға ұсынысын алатыныңызға алдын ала көз жеткізіңіз. Мысалы, көбінесе рейске тапсырыс беру жексенбіде, ал ұшу сейсенбіде немесе сәрсенбіде арзан болады (бірақ күндер белгіленген жерге және әуекомпанияға байланысты өзгеруі мүмкін).

 Фото @Pixabay 

7. "Барлығы қосылған" тарифі. Туристік пакет сіздің демалысыңыз үшін қолайлы немесе толық қонақүй тарифі өте тиімді болуы мүмкін, өйткені сізге қосымша тамақ пен сусын сатып алудың қажеті жоқ.

8. Билеттерді ақысыз қайтару жүйесімен сатып алыңыз. Бұл сіздің шешімдеріңізге икемді болуға көмектеседі және егер сіз жағымсыз пікірлерді естісеңіз, жоспарланған экскурсиядан оңай бас тартуға болады. Сондай-ақ, керісінше, бастапқыда жоспарланбаған бағытқа өздігінен баруға да ықпал етеді.

9. Көптеген адам ақша үнемдегісі келсе, ел ішінде демалу мүмкіндігін қарастырады, бұл шынымен тиімдірек екеніне көз жеткізіңіз.

10. Әртүрлі жағдай үшін сақтандыру алыңыз. Сонда сіздің полисіңіз шұғыл медициналық көмек шығындарын жабады және сіздің багажыңыз бен жеке заттарыңызды жоғалтудан немесе ұрлаудан қаржылық қорғауды қамтамасыз етеді.

Ең маңызды жаңалықтар - біздің Facebook парақшамызда! Дəл қазір жазылып алыңыз!





Осыған ұқсас мақалалар

Алматыдан Атырауға шыққан ұшақтың қозғалтқышына құс түсіп қалды Алматыдан Атырауға шыққан ұшақтың қозғалтқышына құс түсіп қалды
Авиация саласында кадр тапшы - сарапшылар Авиация саласында кадр тапшы - сарапшылар
Қазақстан Google Maps-тегі жұмбақ орындардың тізіміне енді Қазақстан Google Maps-тегі жұмбақ орындардың тізіміне енді