Астана әуежайында қате толы баннер ілінген

Астана халықаралық әуежайында қате толы баннер ілінген, - деп хабарлайды Tengritravel.kz тілшісі. Баннердің суреті әлеуметтік желіде жарияланды.

Баннердегі жазуларда қазақ және орыс тіліндегі мәтіндерде қате бар. Сонымен қатар, жұртшылық "Орталық Еуразия" тіркесін де сынға алды. Көбісі "картада жаңа құрлық қайда орналасқан" деген сұрақпен бас қатырды.

"Бұл қайткені? Бір баннерде өрескел үш қате... Бұл елордалық әуежай емес пе? Gate 01 Local Terminal. Дұрыстау үшін кімге айту керек екен?", - деп жазды автор Facebook желісіндегі парақшасында.

Фото Facebook/Natalya Kuzetova

Елордалық әуежайдың өкілдері бұл жайтқа қатысты пікір білдірді.

"Бұл жарнамалық макет баннерде шығарылған, процесс кезінде жарнамамен айналысатын компания қателерді тауып, дұрыстап қайта шығарды. Өкінішке орай, жарнама цехының қызметшілері ауыстырып алып, қате нұсқа ілінген. Мұндай жағдай қалыптасқанына өкініш білдіреміз, біз оны дереу ауыстырдық", - деді Астана әуежайы баспасөз қызметінің өкілдері.

Саяхат қызықтары мен пайдалы ақпаратты Instagram және Facebook парақшаларынан оқи аласыз!