Алматыда 305 шетел азаматы ұсталды

Алматыда 305 шетел азаматы ұсталды, - деп хабарлайды Tengrinews.kz тілшісі.

Жергілікті профилактикалық іс-шаралар барысында қаладағы көші-қон қызметі мен жергілікті полиция қызметінің қызметкерлері 305 шетелдікті анықтап, әкімшілік жауапкершілікке тартты.

Олар негізінен Өзбекстан мен Африка құрлығы елдерінің азаматтары.

"ПД-нің қабылдап-тарату ғимаратына жеке басын куәландыратын құжаты жоқ 106 шетел азаматы орналастырылды. Сот қаулысымен 101 шетелдік Қазақстан Республикасынан шығарылды. Тиісті шара қолданбағаны үшін 115 қабылдаушы тарап ҚР ӘҚбК-нің 518-бабы бойынша жауапкершілікке тартылды: 97 жеке тұлға, 18 заңды тұлға. Төрт компанияға қатысты, "Халықтың көші-қоны туралы" ҚР Заңына сәйкес, алдағы уақытта шетелдіктерді шақырудан бас тартылады", - деді, Алматы қалалық ПД Көші-қон қызметі Басқармасының бастығы, полиция полковнигі Асхат Бутунчинов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!