Алматы әуежайындағы ұзын-сонар кезек видеоға түсірілді

Алматы халықаралық әуежайында ұзын-сонар кезектер пайда болды. Әуежайға келген жолаушы Жанна Исингарина әлеуметтік желілерде видео жариялап, ұзақ күту мен көптеген адамның жиналуына наразылық білдірді, - деп хабарлайды Kaz.tengritravel.kz тілшісі.

Видеода әйел ғимараттағы жағдайды кіреберісте және багажды тексеру кезінде сипаттайды - барлық жерде адам көп болып көрінеді. Әйелдің айтуынша, көшеде де кезек пайда болған.

Kaz.tengritravel.kz тілшісімен әңгіме барысында Жанна кіреберісте екі сканер тұрғанын және екеуі де жұмыс істейтінін түсіндірді. Алайда қызметкерлер жолаушыларды екінші орынға жібермеді.

"Рейс Алматыдан Анталияға таңғы 6.50-де болған. Мен әуежайға таңғы 5-те келдім. Көшедегі кезек жаяу жүргіншілер өткеліне дейін созылады. Содан кейін есіктер арасындағы өткелде кезек жалғасады. Әрі қарай, кіреберісте неліктен ұзын-сонар кезек пайда болғанын көрдім - қосымша тексеру үшін сканер орнатылды. Екі сканер бар, бірақ екіншісі істемейді.

Біраз уақыттан кейін біз екінші сканердің жұмыс істейтінін көрдік, бірақ жолаушылар ол арқылы өтпейді, өйткені ол тек экипаж мүшелеріне арналған. Нәтижесінде алматылықтар кезекте тұр, ал сканер тоқтап тұр. Екінші сканерді ашу туралы өтініштеріме "кез келген адамға шағымдана аласыз" деп жауап берді. Жалпы кезекте бір сағат тұрдым", - деді Жанна Исингарина.

Әуежай әкімшілігі кезекке тұру жағдайы орын алғанын растады, бірақ қазір барлық проблема жойылған.

"Өйткені, 30 қыркүйекте, түстен кейін бізге тексерудің бірінші желісін орнату туралы бұйрық түсті. Біз бұл туралы баспасөзге жедел хабарладық, жолаушыларға әуежайға алдын ала келу туралы өтінішпен хабарладық. Әрі қарай, біз кіреберісте сканерлерді жеткізуді және орнатуды ұйымдастырдық. Біз бір тәуліктен аз уақыт ішінде ескерту алдық және жабдықты дайындау уақытты қажет ететінін ескерсек, бұл, әрине, ұсын-сонар кезекке әкеп соқты. Сонымен қатар, әуежай ғимаратына кірер алдында жолаушылар Ashyq арқылы коронавирус мәртебесін тексереді.

Қызметкерлер жолаушылардың әлеуметтік қашықтығының сақталуын қадағалауға уәкілетті емес. Бұл - бірінші кезекте жолаушылардың өздерінің, екінші кезекте полицияның желілік бөлімі қызметкерлерінің жауапкершілігі. Біздің тексеру қызметкерлері жүкті тексерумен айналысады.

Қазір мәселе шешілді. 30 қыркүйекте түн ортасына дейін екі сканер орнаттық. Кейін тағы екеуін қостық. Жалпы, қазір тексеру пунктерінде барлық төрт сканер дұрыс жұмыс істейді. Сканерлерді көбірек орнату әуежай ғимаратының мүмкіндігіне жол бермейді", - деп түсіндірді Алматы халықаралық әуежайының баспасөз қызметінің жетекшісі Наталья Соколова.

Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!