Air Astana құстардың ұшаққа соғылуының 100 жағдайын тіркеді

Air Astana өкілдері жыл басынан бері ұшақтардың құстармен соқтығысқанын мәлімдеп келеді, - деп хабарлайды Kaz.tengritravel.kz тілшісі.

Әуе тасымалдаушы баспасөз қызметінің мәліметінше, кеше Алматы - Ақтөбе КС 863 рейсі қонатын кезде Airbus A321 ұшағында құс қоршаған орта температурасының индикация датчигіне түскен.

"Бұл - Air Astana компаниялар тобында жыл басынан бері құстармен соқтығысудың жүзінші оқиғасы. Әуекомпанияның қауіптенуіне себеп болып отыр. Ақтөбедегі басқа A320 әуекемесін тексеруге жіберілген инженердің арқасында Ақтөбе - Алматы 864КС кері рейсінің кешігуі бір сағаттан аспады", - деп хабарлады компания.

 Сондай-ақ, Air Astana биыл сегіз айда құстармен соқтығысу саны өткен жылдың сәйкес кезеңімен салыстырғанда 12 пайызға өскенін хабарлады.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!