"20 жылдан астам". Жолаушылар тасымалының қанша ескі вагоны бар?

Бірнеше күн бұрын қазақстандық жігіт Қостанайдан Астанаға пойызбен мінгені туралы эмоционалды видео жариялады. Ол сапарда вагонда "өте суық" болғанын айтты және елдегі вагондардың жай-күйіне жалпы тоқталды. Tengritravel.kz тілшісі тақырыпты жалғастырып, Қазақстандағы пойыздардың ескіргенін ҚТЖ-дан тексеруді жөн көрді.

Елімізде "Жолаушылар тасымалы" кәсіпорнынан басқа 13 жеке тасымалдаушы жолаушыларды теміржол көлігімен тасымалдау қызметін көрсетеді.

"Жолаушылар тасымалы" кәсіпорнының паркінде жүздеген пойыз 20 жылдан астам жүргені белгілі болды.

"Жолаушылар тасымалы" кәсіпорнының жолаушылар вагондарының паркі бүгінде шамамен 2161 бірлікті құрайды, оның 30 пайызы 20 жастан асқан вагондар", - деп хабарлады ҚТЖ баспасөз қызметі.

Компанияның мәліметінше, паркті жаңарту мақсатында жыл сайын жаңа жолаушылар вагондарын сатып алу жұмыстары жүргізілуде.

"2010-2023 жылдар аралығында 1326 вагон сатып алынды, оның ішінде 676 "Тальго". Жаңа жолаушылар вагондарын алу бойынша атқарылған жұмыстарды ескере отырып, 2010 жылдан бері парктің орташа тозуы 73 пайыздан 45 пайызға дейін төмендеді. Паркті жаңарту жұмыстары жалғасуда", - деп хабарлады ҚТЖ.

Саяхат қызықтары мен пайдалы ақпаратты Instagram және Facebook парақшаларынан оқи аласыз!