Венецияда туристер үшін қалаға ақылы кіру кейінге қалдырылды

Венеция билігі қалаға барудың жаңа ережелерін енгізу мерзімдерін 2022 жылдың 1 шілдесінен 2023 жылдың 16 қаңтарына ауыстырады. Осы күннен бастап туристер қалаға алдын ала тапсырыс беріп, салықты төлеуі керек, - деп хабарлайды Kaz.tengritravel.kz тілшісі АТОР-қа сілтеме жасап.

Бұған дейін 2022 жылдың 1 шілдесінен бастап Венецияға бару үшін арнайы сайтта немесе мобильді қосымшада алдын ала тіркелу қажет болады. Содан кейін турист QR кодын алады. Бағдарлама пилоттық режимде жұмыс істеуі керек еді, ал қаңтардан бастап брондау міндетті болған. Бірақ қазір басталу мерзімі өзгерді.

Бұл шешімнің ықтимал себебі осы жылдың Пасха демалыс күндеріне туристер ағыны деп аталды: қалаға 500 мыңға жуық турист келді. Сондықтан билік 2019 жылы айтылған реттеу және қалаға ақылы өту идеясына қайта оралды. Бұл жобаны жүзеге асыру үшін барлық инфрақұрылым дайындалған.

Венецияға бару үшін алымның болжамды сомасы маусымға және аптаның күніне байланысты бір адамға 3-тен 10 еуроға дейін (1 326-дан 4 420 теңгеге дейін). Демалыс күндері және арнайы іс-шаралар күндері туристер саны 40 мың адамнан асатын болса, қалаға кіру билеті кемінде 10 еуро (4 420 теңге) тұрады.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!