Ұшақтарда өзіне-өзі қызмет ету орындары пайда болады

United Airlines әуекомпаниясы Airbus A321neo ұшақтарының жаңа борттарында Grab-N-Go өзіне-өзі қызмет ету орындарын енгізеді, - деп хабарлайды Tengritravel.kz тілшісі.

DailyMail мәліметінше, жаңа қызмет түрімен алғашқы рейс 30 қарашада Чикаго қаласының халықаралық О'Хара әуежайынан ұшып шыққан. Саяхатшылар қызмет көрсетудің бірінші раундынан кейін экипаж мүшелерінің көмегінсіз тіске басар мен сусындарды тегін алады. Осы өзгертулер нәтижесінде туристерге жеміс батончиктері, шоколадты киноа мен басқа да тіске басарлар қолжетімді болады.

Сарапшылардың айтуынша, мұндай орындар шағын болады, алайда салаға жаңа серпін беріп, жолаушыларды қанағаттандырады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!