Flight Aware
Турбулент салдарынан ондаған адам ауруханаға түсті
Кем дегенде 20 адам турбулент салдарынан әр түрлі жарақат алды. Hawaiian Airlines әуекомпаниясына тиесілі ұшақ АҚШ-тың Финикс қаласынан ұшып шыққан, - деп хабарлайды Daily Mail.
Басылым мәліметінше, 18 желтоқсанда Финикстен Гонолулуға бағыт алған жеті сағаттық рейс аяқталар сәтте турбулент салдарынан жолаушыларды ұшақ орындықтарынан лақтырып жіберген. Зардап шеккендер арасында жолаушылар және үш экипаж мүшесі бар. Олар ұшақ төбесіндегі панельге және жоғарғы контейнерлерге соқтығысып, әртүрлі жарақат алған, оның ішінде басына соққы тигендер, денесі сырылғандар көп.
Посмотреть эту публикацию в Instagram
20 адам ауруханаға жеткізілген, оның 11-інің жағдайы ауыр, ал қалған тоғызының жағдайы тұрақты. Hawaiian Airlines мәліметінше, жалпы ұшақта 278 жолаушы және 10 экипаж мүшесі болған.
Hawaiian Airlines бас операциялық директоры Джон Снуктың айтуынша, қауіпсіздік белбеуін тағу керектігі ескертілген. Ол өзі әуе саласында қызмет еткен жеті жылда көрген "ең қиын турбулентті жағдай" болғанын айтты.
Airbus A330 ұшағының салонында телефонға түсірілген видеода оттегі бетперделерінің салбырап тұрғаны және адамдардың соққыларынан төбесіндегі панельдер жарылып кеткен.
CNN: At least 36 people on a Hawaiian Airlines flight injured, with 20 taken to emergency rooms, after their plane encountered “severe turbulence” on a flight from Phoenix to Honolulu. pic.twitter.com/4dvUPyH6tU
— shon gables (@shongables) December 19, 2022
Жедел әрекет ету қызметтері, оның ішінде өрт сөндірушілер, жедел жәрдем бригадалары және мемлекеттік өрттен құтқару командасы дереу жұмылдырылған. Олар 11 шамасында болған оқиғадан зардап шеккендерге көмектесті.
Жаңалықты бірінші болып білгіңіз келсе, қазақ тіліндегі Telegram-арнамызға жазылыңыз!
