Таиландта ресейлік туристі жеңіл жүрісті қыздар тонап кетті

Ресейден келген турист Паттайя полициясына тонау туралы шағымданды. The Tiger жазады, - деп хабарлайды Kaz.tengritravel.kz тілшісі.

38 жастағы Денис Нидовак полицияға 20 000 бат (шамамен 255 мың теңге) тұратын ақ алтыннан жасалған алқасы ұрлағанын айтты. Оның пікірінше, зергерлік бұйымдарды екі жезөкше ұрлап кеткен.

Аудармашының көмегімен жәбірленуші келесі мәліметтерді айтты. Ол Паттайя жағажайында серуендеген. Оның ойынша жезөкшелер деп саналатын екі әйел келіп, оны құшақтап, оған жыныстық қызмет көрсетуге тырысқан. Ол ұсыныстан бас тартып, кетіп қалады. Алайда, кейінірек ол ақ алтыннан жасалған алқасының жоғалғанын байқайды және оған екі әйел кінәлі деп санайды.

Қазір Паттайя полициясы күдіктілерді одан әрі сотқа беру үшін бейнебақылау камераларындағы жазбаларды қарап, бұл мәселені зерттеп жатыр. Сондай-ақ, полиция жұртшылықты көзге көрінетін зергерлік бұйымдар мен басқа да құнды заттарды тақпауға шақырды, өйткені шетелдіктер тарапынан қалта ұрыларына шағым көбейген. Көбінесе олар өздерін жезөкше ретінде таныстырады. Атап айтқанда, жақында Германия азаматы мұндай тонауға шағымданған.

Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!