Таиланд туристер үшін карантинді жоюдың жаңа мерзімін жариялады

Таиланд билігі вакцина салдырған шетелдік туристер үшін міндетті карантинді қазанда алып тастауды жоспарлап отыр. Бұл туралы Reuters жазады, - деп хабарлайды Кaz.tengritravel.kz порталы.

Жаңа мерзімді Үкіметтің ресми өкілі Трайсули Трайсоранакул жариялады. Оның мәлімдемесіне сәйкес, билік ең танымал 10 бағытты ашады, олардың ішінде Паттайя, Панг Нга, Самуи және Краби аралдары, сондай-ақ Бангкок мемлекетінің астанасы бар.

Сарапшылардың бағалауынша, мұндай шаралар 3,5 миллионға дейін демалушыны және туристік секторға 9,58 миллиард доллар көлемінде кіріс тартуға мүмкіндік береді. Сондықтан билік пандемия салдарынан зардап шеккен Таиланд үшін негізгі нарықты ішінара қалпына келтіруге үміттенеді.

Алайда, саясаткер оқшаулауды тоқтатпас бұрын, 10 провинцияның әрқайсында тұрғындардың кем дегенде 70 пайызына вакцина салдыру керегін атап өтті.

Айта кетейік, Таиланд үкіметі 2022 жылдың қаңтарынан бастап шетелдік туристерге жарна енгізуді жоспарлап отыр.