Сібірдегі “тозақ қақпасы“ үлкен жылдамдықпен кеңейіп барады

Зерттеушілер шамамен 30 жыл бойы ұлғайып келе жатқан "тозақ қақпасы" деп аталатын Батагайка кратері туралы ақпаратты бөлісті. Ғалымдар ол ұлғайып қана қоймай, жылдамдығы жоғарылап келе жатқанын байқады, - деп хабарлайды Tengritravel.kz тілшісі newatlas.com сайтына сілтеме жасап.

Сібір тундрасының шалғай бір бұрышында "тозақ қақпасы" деп аталатын топырақ шұңқыры бар. Якутия тұрғындары одан қорқады, өйткені одан ерекше дыбыстар шығады және үнемі өсіп бара жатыр.

Сібірдің солтүстік-шығысындағы Черский жотасында орналасқан Батагайка кратері шын мәнінде термокарст ойпаты болып табылады - жердің құлауынан және мәңгілік мұздың еруінен пайда болған. Ол 1991 жылы осы жер асты саңылауы одан әрі ұлғайып, тау баурайының бір бөлігін қиратқан кезде табылды. Төмендегі бейнеде кратердің анықталғаннан бастап 2007 жылға дейін қалай өскенін көруге болады.

Сібірдегі Батагайка кратері тез кеңейіп барады, бұл ауа температурасының жоғарылауына байланысты. Мәңгілік мұз ери бастағанда, ол қатты массадан балшыққа айналады. Бұл өзгеріс бірегей ландшафт жасайды және айналадағы рельефтің қалыптасуына әсер етеді. Кратер оның динамикасы мен дамуын жақсырақ түсінгісі келетін ғалымдар мен зерттеушілердің назарын аударып келеді.

Қазіргі уақытта кратердің тереңдігі шамамен 50 метр болады, ал кейбір учаскелері 100 метрге дейін төмен.

Саяхат қызықтары мен пайдалы ақпаратты Instagram және Facebook парақшаларынан оқи аласыз!