"Сәрсенбіде және сағат 15.00-ге дейін ұшыңыз": Әуе саяхатында қалай үнемдеуге болады

Expedia саяхатшылар үшін маңызды кеңестер беретін есеп шығарды. Kaz.tengritravel.kz тілшісі олардың кейбіреуі туралы айтады.

Жылдық есеп Airlines Reporting Corporation (ARC) компаниясымен бірлесіп жасалды. Оның әуе билеттеріне қатысты мәліметтер базасы әуетасымалдау трендтері туралы беделді ақпарат көзі болып саналады.

Сонымен, Air Travel Hacks 2023 есебіндегі негізгі кеңестер:

1. 15 пайызға дейін үнемдеу үшін жексенбіде рейстерді брондаңыз. Жұма емес, жексенбі күндері билеттерді брондайтын саяхатшылар ішкі рейстерде орташа есеппен 5 пайыз және халықаралық рейстерде 15 пайыз үнемдейді.
2. 10 пайыз үнемдеу үшін ішкі рейстерді кем дегенде бір ай бұрын және халықаралық рейстерді алты ай бұрын брондаңыз. Есепке сәйкес, осы кезеңдерде билетті сатып алған туристер соңғы минутқа дейін күткендермен салыстырғанда орта есеппен 10 пайыз үнемдеді.
3. Рейстен бас тарту мүмкіндігін азайту үшін ұшу уақытын сағат 15.00-ге дейін таңдаңыз. Осы жылғы рейстердің тоқтатылуы туралы деректерге сәйкес, сағат 15:00-ден кейін ұшатын рейстердің кешігу ықтималдығы сол күні ерте ұшатын рейстерге қарағанда орта есеппен 50 пайызға жоғары.
4. 15 пайызға дейін үнемдеу үшін сәрсенбіде сапарға шығыңыз. Сенбіден дүйсенбіге дейін ұшпауға тырысыңыз: бұл ұшу үшін ең қымбат күндер.

"Біздің деректеріміз саяхаттардың қайта орала бастағанын және туристер ұшу үшін лайфхактарды қайтадан пайдаланатынын көрсетеді. Әуекомпаниялар өз көрсеткіштерін жақсартты, ал өткізу қабілеті мен жолаушыларға сұраныс өсуде. Біз 2022 жылдың бірінші жартыжылдығында туристік сапарлардың өсуінен кейін іскер саяхатшылардың оралуын көре бастадық", - деді ARC деректер және зерттеу жөніндегі басқарушы директоры Чак Такстон.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!