Рейстің кешігуіне ашуланған жолаушылар әуежайды қиратты

Жолаушылар рейстің ұшпауына байланысты Нигерияның Мурталы Мухаммед атындағы әуежайын талқандады, - деп хабарлайды Tengritravel.kz тілшісі The Cable басылымына сілтеме жасап.

Dana Air әуекомпаниясы рейс уақытын ақпанның 11-нен 12-не ауыстырған, кейін мүлде ұшпайтыны хабарланған. Осыған ашуланған клиенттер әуе айлақтың құрылғыларын сындырып, ғимарат ішінде жүрген қызметкерлерге шабуыл жасаған.

Тасымалдаушы компанияның өкілдері өз кезегінде рейстің қауіпсіздік ұйғарымдарына байланысты кешіккенін және барлық жолаушылар өтемақы алатындарын мәлімдеді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!