Ресейліктерге Беларусь пен Қазақстанға пойыз билетінің тапшылығы ескертілді

Ресейден Беларусь пен Қазақстанға жақында баратын пойыздарға бос орын жоқ. Ресейліктер үшін көрші визасыз елдерге билеттің тапшылығы туралы ескертілді, - деп хабарлайды TourDom басылымы.

Порталдың мәліметінше, соңғы уақытта Ресейден Қазақстанға баратын пойыздарға ресейліктер арасында сұраныс артқан. Сонымен қатар, қазір кейбір тұрақты маршруттармен кету өте қиын. Қорған арқылы Петропавлға баратын пойыздарға сұраныс көбейіп, жақын күндерге санаулы орындар қалған. Тек 28 қыркүйекке кез келген орын мен уақытты таңдауға болады. Оған дейінгі даталарда орын санаулы.

Ресей-Қазақстан бағытындағы басқа рейстерге де билет тапшы. Мәселен, Омбыдан Қарағандыға таяудағы аптада бес билеттен артық билет қалмады. Алайда, 1 қазанда пойызға жүздеген билет бар.

Беларуське келетін болсақ, ол жаққа 24 қыркүйекте бару қиынға соққан. Сатылымда бес билеттен артық болмаған. Сонымен қатар, 25 қыркүйекте пойыздарда бос орындар айтарлықтай артқан.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!