© shutterstock
Ресейді велосипедпен шарлап жүрген испан жігіті Якутияда үсіп қалды
Ресейді велосипедпен шарлап жүрген испан спортшысы Хуан Менендес Гранадос жедел Якутияның ауруханасына жеткізілген - ол үсіп қалған. Мұндай ақпарат Республиканың денсаулық сақтау министрлігінің сайтында жарияланды, - деп хабарлайды Kaz.tengritravel.kz тілшісі.
Черский ауылынан Якутияға жетпек болған турист Нижнеколым ұлысындағы Колым ауылының емханасына барып, медициналық көмекке жүгінген. Испан жігітіне алғашқы көмек көрсетілген, содан кейін оны аудандық орталық аурухананың хирургия бөліміне жеткізген. Онда оған әрі қарай көмек көрсету шаралары жасалған.
Қазіргі уақытта Гранадос ауруханада ем алып жатыр. Оның жағдайы айтарлықтай жақсарған.
Сурет minzdrav.sakha.gov.ru сайтынан
