Перу еліне туристер карантинсіз кіре алады

Перу үкіметі жыл басынан бері шетелден келген туристер үшін екі апталық карантинді алып тастады. Тек ПТР-тест ұсыну және денсаулық туралы интернет-бланк толтыру  (испан немесе ағылшын тілінде) шарттары қалды, - деп хабарлайды Кaz.tengritravel.kz порталы Тourweek.ru басылымына сілтеме жасап.

Туристер елге кірген соң вирус жұғуының алдын-алу шаралары мен әуежайда, ұшақ бортында маска тағу керек.

Сәуірде елге келу қауіпсіз екенін көрсетуге арналған туристік саланы қалпына келтіру науқаны басталады.

Айта кетейік, наурызда Perurail пойыздарымен тасымалдайтын туристік маршруттар ашылып, әлемнің жаңа кереметі - ескі Мачу-Пикчу қаласы туристерді қабылдай бастады.

Қазір елде жаппай вакцинация жүріп жатыр. Әзірге 400 мыңға жуық азамат екпе салдырды.