Фото ©Shutterstock Фото ©Shutterstock

Мысырдағы жаңа ақша туралы туристерге ескерту жасалды


Қарашада Мысыр фунтының жаңа купюралары айналымға шығады, - деп хабарлайды Kaz.tengritravel.kz тілшісі АТОР сайтына сілтеме жасап.

Басылымның мәліметінше, Мысырдың Орталық банкінің хабарламасында қарашаның басында номиналы 10 және 20 мысырлық фунт болатын жаңартылған банкноттар айналымға енеді деп жазылған.

Банкноттардың дизайны өзгеріссіз қалады, бірақ олардың түпнұсқа екенін растайтын голографиялық кемпірқосақ белгісі пайда болады.

Банкноттар полимерлі материалдардан жасалады. Осының арқасында олардың қызмет ету мерзімі үш есе артады.

Сонымен қатар, жаңа банкноттар жалған және вандализмнен жақсы қорғалған болады. Қазір ақшаға жазуға болады, ал жаңа банкнотқа ештеңе жаза алмайсыз.

Туроператорлардың айтуынша, Мысырдың дүкендерінде, дәмханаларында, мейрамханаларында және басқа да мекемелерінде сіз тек Мысыр фунтымен ғана емес, доллар және еуромен де төлей аласыз.

Сондай-ақ, барлық жерде дерлік төлем үшін банк карталары қабылданады. Егер туристерге мысырлық фунт қажет болса, онда оларды көптеген қонақүйде орналасқан банкоматтар мен айырбастау пункттерінде оңай ауыстырады.

Ең маңызды жаңалықтар - біздің Facebook парақшамызда! Дəл қазір жазылып алыңыз!





Осыған ұқсас мақалалар

Бортсерік ұшақтан кейін құлақтың бітелуімен күресудің құпиясын ашты Бортсерік ұшақтан кейін құлақтың бітелуімен күресудің құпиясын ашты
Әлемдегі қызметі нашар, көп шағым түсетін 10 әуеакомпания аталды Әлемдегі қызметі нашар, көп шағым түсетін 10 әуеакомпания аталды
Бортсерік жолаушылар жиі қоятын орынсыз сұрақты айтты Бортсерік жолаушылар жиі қоятын орынсыз сұрақты айтты