© Shutterstock © Shutterstock

Мачу-Пикчу, Пхукет және Бали. Пандемиядан кейін демалу үшін тиімді бағыттар аталды


Перу еліндегі Мачу-Пиччу қирандылары пандемия басталғаннан бері алғаш рет ашылды, - деп хабарлайды Kaz.tengritravel.kz тілшісі Gestion-ке сілтеме жасап.

Бұл туралы Перу Республикасының Сыртқы сауда және туризм министрі Росио Барриос мәлімдеді. Туристік бағыт Safe Travels ресми мөрін алды.

"Біз тағы да әлемнің түкпір-түкпірінен туристерді күтеміз, олар Перу символына айналған біздің таңғажайып Мачу-Пикчуды көре алады. Ол үшін біз қауіпсіздік мәселесін қатаң бақылайтын боламыз", - деді министр.

Ол келушілер Агуас-Кальентес станциясына келген сәттен бастап, мейрамханаларда, тұрғын үй-жайларда, Ллакта-де-Мачу-Пикчу кіреберісіне және тарихи қасиетті орынға дейін тасымалдау ережелері күшейтілгенін атап өтті.

Сақтық шарасы ретінде Инка цитаделі күн сайын 675 адамнан аспайды, бұл пандемияға дейін келушілердің 30 пайызы. Сонымен қатар, бір топтағы туристер саны сегіз адамнан аспауы керек, 12 жасқа дейінгі балаларға рұқсат етілмейді. Қонақтар келген кезде әлеуметтік қашықтықты сақтау керек.

Естеріңізге сала кетейік, осы күнге дейін Мачу Пикчу бір рет ашылды-бұл мүмкіндікті жеті ай күткен жапондық турист үшін.

Қазіргі уақытта Перу Оңтүстік Американың жеті елімен, соның ішінде Эквадор, Боливия, Парагвай, Колумбия, Панама, Уругвай және Чилимен әуе қатынасын ашты.

Сонымен қатар, Lenta.ru мәліметінше DER Touristik туроператор пандемиядан кейінгі сапарлар үшін ең тиімді бағыттарды атаған. 

2021 жылы демалу үшін ең тиімді орын Тайландтағы Пхукет аралы болады. Туроператорлар бұл жерде қонақүй бөлмесінде тұрудың орташа бағасы 29,4 долларды (12 670 теңге) құрайтынын мәлімдейді. Рейтингте екінші орынды Үндістан астанасы Дели иеленді, туризм сарапшылары бұл қаладағы қонақүй нөмірлерінің құнының бір түнге 34 долларға (14 756 теңге) дейін төмендейді деп болжайды.

Келесі тиімді бағыттар Малайзияның астанасы Куала-Лумпур және Индонезияның Бали курорты болды, онда қонақүйлерде бір түн үшін орташа төлем бірдей - 35,4 доллар (15 364 теңге). Сондай-ақ Бангкок пен Санкт-Петербург қонақүйлері 43,5 долларға (бір түнге 18 879 теңге) дейін арзандайды.

Тұру құны қымбат болып келетін елдер арасында Швейцариядағы Цюрихке берілді, онда қонақ үйдегі түн 246,8 доллар (107 115 теңге). Лос-Анджелес пен Нью-Йорктегі қонақ үй бөлмелері үшін кем дегенде 200 доллар төлеуге тура келеді.

Өз кезегінде, Travel Daily Media мәліметінше, Мальдив аралдары мен Канар аралдары туристердің бұрын-соңды болмаған ағымын бастан кешуде. Мальдив аралдарында брондау көрсеткіші 500 пайызға өскен. Канар аралдарындағы резервтік нөмірлер саны да артып келеді. Атап өтілгендей, бұл жергілікті туристік индустрияның қайта жандануына үміт береді. БАҚ мәліметінше, қазір еуропалықтар ұзақ уақыт тұру үшін шетелдік қонақ үйлерге тапсырыс беруді жөн көреді.


Осыған ұқсас мақалалар

Ангела Меркель Еуропадағы тау шаңғы курорттарын жабуға шақырды Ангела Меркель Еуропадағы тау шаңғы курорттарын жабуға шақырды
Emirates Дубайдағы қонақүйлерде тегін түнеуді ұсынады Emirates Дубайдағы қонақүйлерде тегін түнеуді ұсынады
Польшада әлемдегі ең терең бассейн ашылды Польшада әлемдегі ең терең бассейн ашылды