"Күннің астында ұзақ қалмаңыз": Еуропада шезлонгтерге тыйым салу ұсынылды

Сарапшылар ерте қартаюға және қатерлі ісік ауруынан болатын өлімге әкелетін денсаулық "жауының" пайда болғанын мәлімдеді. Мұндай жаңалықты британиялық зерттеушілер "тапты". Мамандар күн көзінде ұзақ жатудың қауіпті екенін айтты, - деп хабарлайды Tourprom сайты.

Манчестер университетінің зерттеушілері "жағажайлардағы күн шезлонгтарына тыйым салынса, кем дегенде 200 мың жас туристі тері проблемаларынан, тіпті өлімнен құтқара алады" дейді.

Команда зерттеуді Австралияда да жүргізді. Онда жағажайларда шезлонгтарға тыйым салынған. Оңтүстік континентте орта есеппен күн белсенді және терінің қатерлі ісігі ұлттық проблема болып саналады.

Манчестер университетінің денсаулық сақтау және аурулар жөніндегі маманы, профессор Адель Грин зерттеудің мәнін түсіндірді.

"Біз Ұлыбританиядағы жалпы тыйымның 18 жастағы 620 мың адамға әсерін бақыладық. Күн сәулесі D дәрумені үшін қажет және күнге күю пайдалы деп санайды, бірақ бұл дұрыс емес. Күннің туриске ұзақ уақыт әсер етуі терінің ерте қартаюы мен әжімдері, сондай-ақ көздің проблемаларын және тері қатерлі ісігінің даму қаупін тудырады", - деді профессор.

Оның айтуынша, Ұлыбританияда жыл сайын тері қатерлі ісігінің ең қауіпті түрі меланомадан 2 300-ге жуық өлім болады. Зерттеушілер бұған ең көп таралған арандатушы фактор күн сәулесінде ұзақ жату деп санайды. Мамандар шезлонгтарға тыйым салынса, онда қатерлі ісік ауруының саны азаятынын жеткізді.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!